LWIMBO 96
Buku wa Lesa Wawama Bingi
-
1. Ko aji buku wa mapa avula,
Ulengela kwikala mutende.
Ne kuyuka mba Yehoba ukapa
“Bafwa” bumi, “bampofu” kumona
Uno buku Baibolo wazhila.
Wanembelwe ku banabalume,
Batemenwe bingi Yehoba Lesa,
Wibatangijile na mupashi.
-
2. Banembele pa bilengwa na Lesa,
Byo byalengelwe ku ntendekelo.
Ne muntu byo ajinga waoloka
Ne Paladisa byo yazhiile.
Banembelepo ne pa malaika
Wakaine buntangi bwa Lesa.
Mwafuma bundengamambo ne malwa,
Yehoba katataka ashinde.
-
3. Kuji kituletela lusekelo:
Lesa wasala Yesu kwikala
Mfumu wa Bufumu bwanji mwiulu.
Bo bo tusapwila mwaya ntanda.
Bukaletela byawama bonsetu.
Bino byo biji mu uno buku,
Uleta mutende yenka wa kine;
Lesa wimupa mutangainga.
(Kabiji monai 2 Timo. 3:16; 2 Pe. 1:21.)