LABAINGA MUKENKENTENGA!
Nanchi Bantu ba mu Bisaka Byonse Bakonsha Kwikala Pamo kwa Kubula Misalululo Nyi?—Baibolo Waambapo’mba Ka?
Bantu bavula balanguluka’mba misalululo ya bikoba kechi ikapwa ne.
UN Secretary-General aye António Guterres waambile’mba: “Misalululo ya bikoba ijitu nobe bulembe buji mu bipamo ne mu bwikalo bwa bantu bonse. Misalululo ilengela bantu kuba nshiji bakwabo.”
Nanchi misalululo ya bikoba ikapwa nyi? Baibolo waambapo’mba ka?
Lesa byo amona misalululo ya bikoba
Baibolo ufunjisha Lesa byo amona bantu baji na bikoba byapusana pusana.
“Ku muntu umo [Lesa] ko ko alengele bisaka byonse bya bantu kuba’mba bikale pano pa ntanda ponse.”—Byubilo 17:26.
“Lesa kechi uji na misalululo ne, bino mu bisaka byonse muntu umwakamwa ne kuba byaoloka ye witabilwa kwi aye.”—Byubilo 10:34, 35.
Baibolo waamba’mba bantu bonse bafuma ku kisemi kimo ne kuba’mba Lesa uswa bantu ba mu bisaka byonse.
Bikapwa misalululo ya bikoba
Bufumu bwa Lesa ye kafulumende wa mwiulu ukapwisha misalululo ya bikoba. Uno kafulumende ukafunjisha bantu byo bafwainwa kwikala bulongo na bantu bakwabo. Bantu bakafunda bya kushinda misalululo ya bikoba yo bakonsha kwikala nayo.
‘Bantu ba mu kyalo bakafunda kuba byaoloka.’—Isaya 26:9.
“Bololoke bukaleta mutende, kabiji bololoke bukalengela kwikala ku matwi nzoo ne kuzhikijilwa.”—Isaya 32:17.
Bantu bavula lelo jino babena kufunda mu Baibolo bya kunemeka bakwabo.
Pa kuba’mba mufunjilepo byavula, tangai magazini wa Labainga! uji na mutwe wa kuba’mba “Nanchi Misalululo Yakonsha Kupwa Nyi?”
Tangai kibaaba kya mu Kizungu kya kuba’mba “Talking to Children About Racism” pa kuba’mba bansemi bafunde byo bakonsha kwisamba na baana babo pa uno mutwe.
Mwakonsha Kutemwa
BINTU BYAAMBA BAIBOLO
Bufumu bwa Lesa bo bu ka?
Mu mwingilo wanji yense, Yesu wafunjishanga javula pa Bufumu bwa Lesa. Pa myaka yavula yapitapo, bakalume banji balombela’mba Bufumu bwa Lesa bwiye.
BAIBOLO UPIMPULA BWIKALO BWA BANTU
Nakebelenga Kupwisha Nshiji
Ba Rafika batwelele mu kipanyi kya bantu bakebelenga kupwisha nshiji. Bino mu kuya kwa kimye bafunjile mulaye wa mu Baibolo wa kuba’mba Bufumu bwa Lesa bo bukafumyapo nshiji ne kuleta mutende.
BAKAMONYI BA KWA YEHOBA
Lombai Lufunjisho lwa Baibolo
Ikalai na lufunjisho lwa Baibolo lwatutu pa kimye ne mpunzha yo mukeba.
