Bintu Bibena Konauna Ntanda—Bintu Bikoba Bufumu bwa Lesa
Pa 25 July 2023, ba Inger Andersen, ba under-secretary-general ba kipamo kya United Nations kabiji bakulumpe ba UN Environment Programme baambile’mba: “Kwalauka kwa mwela kubena kuleta makatazho avula. Binkunkwila bibena kuyatu na kuvujilako ne kubayilako, bibena konauna mazubo ne kwipaya bantu . Mema mu tulunga abena kukaba, onkao mambo, bilengwa byavula bya mu mema kechi bisakupuluka ne.”
Nanchi makafulumende akonsha kukwatankana ne kupwisha ano makatazho akumbana ntanda yonse nyi? Nanchi makafulumende aji na bulume bwa kupwisha ano makatazho kikupu nyi?
Baibolo watongola kafulumende wakonsha kabiji ukapwisha ano makatazho onse. Waamba’mba: “Lesa wa mwiulu ukaleta bufumu,” kafulumende ukalama ino ntanda ne kupwisha makatazho onse. (Danyela 2:44) Inge buno bufumu twatendeka kulama, bantu ‘kechi bakekozhanga, . . . kwionauna’ nangwa konauna ntanda ne.—Isaya 11:9.
Mwakonsha Kutemwa
ESSENTIAL BIBLE TEACHINGS
Bufumu bwa Lesa bo bu ka?
Mu mwingilo wanji yense, Yesu wafunjishanga javula pa Bufumu bwa Lesa. Pa myaka yavula yapitapo, bakalume banji balombela’mba Bufumu bwa Lesa bwiye.
MEPUZHO A MU BAIBOLO A KUMBULWA
Nanchi Ntanda Bakeyonauna Nyi?
Baibolo walumbulula ene mambo Lesa o alengejile ntanda.
LABAINGA!
Lesa Walaya’mba ino Ntanda Ikatwajijila Kwikalako
Bintu ka bitulengela kushiinwa’mba ino Ntanda Ikatwajijila Kwikalako?
BAKAMONYI BA KWA YEHOBA
Lombai Lufunjisho lwa Baibolo
Ikalai na lufunjisho lwa Baibolo lwatutu pa kimye ne mpunzha yo mukeba.
