Butuntulu bwa Mubiji—Bintu Bikoba Bufumu bwa Lesa
Pa 22 May 2023, badokotala abo ba Tedros Adhanom Ghebreyesus kabiji bakulumpe ba kipamo kya World Health Organization baambile’mba: “Nangwa kya kuba mwalo COVID-19 wapopotela, kechi twafwainwa kulanguluka’mba bumi bwa bantu kechi buji mu kizumba ne. Onkao mambo, inge kukeye mwalo mukwabo kulutwe, twafwainwa kwinengezhezha jimo.”
Bantu bavula babena kumanama na mambo a mwalo wa COVID-19. Nanchi makafulumende ne bipamo bitala pa butuntulu bwa mibiji ya bantu binengezhe ku mwalo wakonsha kwiya ne kupwisha bikola biji na bantu lelo jino nyi?
Baibolo watongola kafulumende ukapwisha bikola bya bantu byonse. Waamba’mba: “Lesa wa mwiulu ukaleta bufumu,” nangwa’mba kafulumende. (Danyela 2:44) Inge buno bufumu twatendeka kulama, “kafwako muntu nangwa umo ukekala mu kyalo ukamba’mba: ‘Nakolwa’ ne.” (Isaya 33:24) Bantu bonse bakekala na butuntulu bwa mubiji bwawama ne na bulume bwa ku bwanyike bwabo.—Yoba 33:25.
Mwakonsha Kutemwa
LABAINGA!
Izhikijilainga ku Bikola
Monai bino bintu bitanu byakonsha kwimuletela bikola ne byo mwakonsha kwizhikijila.
BINTU BYAAMBA BAIBOLO
Bufumu bwa Lesa bo bu ka?
Mu mwingilo wanji yense, Yesu wafunjishanga javula pa Bufumu bwa Lesa. Pa myaka yavula yapitapo, bakalume banji balombela’mba Bufumu bwa Lesa bwiye.
BAKAMONYI BA KWA YEHOBA
Lombai Lufunjisho lwa Baibolo
Ikalai na lufunjisho lwa Baibolo lwatutu pa kimye ne mpunzha yo mukeba.
