LABAINGA MUKENKENTENGA!
Nanchi Ñanyi ye Mwafwainwa Kuketekela?—Baibolo Waambapo’mba Ka?
Bantu kibakola bingi ku muchima inge bantu bo baketekela babula kuba bintu byo bakeba. Bantu bavula baleka kuketekela . . .
bamulwila ntanda batatu muchima pa bintu byo bakeba abo bene kechi pa bintu bikeba bantu ne.
bantu basampanya masawakya a bubela.
bashayuka ba sayansi babula kuba bintu bikeba bantu.
bantangi ba bupopweshi bevwanga bingi mu bya bumulwila ntanda kabiji kechi bemenako Lesa ne.
Kyawama kujimuka bingi na bantu bo twafwainwa kuketekela. Baibolo witujimunako’mba:
“Kange muketekele mu baana ba bamfumu nangwa mu mwana muntu ukabula kukonsha kwimupulusha ne.”—Salamo 146:3, Baibolo wa Binembelo bya Ntanda Ipya.
Ye mwafwainwa kuketekela
Baibolo watongola Yesu Kilishitu amba ye ye mwafwainwa kuketekela. Yesu kechi wajingatu muntu wawama wajingako pano pa ntanda myaka yavula yapitapo ne. Pakuba Lesa watongola Yesu kwikala “Mfumu . . . , ne Bufumu bwanji kechi bukapwa ne.” (Luka 1:32, 33) Yesu ye Mfumu wa Bufumu bwa Lesa ko kuba’mba kafulumende ubena kulama mwiulu.—Mateo 6:10.
Pa kuba’mba muyukilepo byavula pa ene mambo o mwafwainwa kuketekela Yesu, tangai bino bibaaba: “Ñanyi Mfumu wa Bufumu bwa Lesa?” ne “Ñanyi Bintu Bikoba Bufumu bwa Lesa?”
Mwakonsha Kutemwa
BINTU BYAAMBA BAIBOLO
Bufumu bwa Lesa bo bu ka?
Mu mwingilo wanji yense, Yesu wafunjishanga javula pa Bufumu bwa Lesa. Pa myaka yavula yapitapo, bakalume banji balombela’mba Bufumu bwa Lesa bwiye.
KYAMBA KYA USOPA
Bufumu bwa Lesa Kafulumende Mwabula Mazhikakanwa
Bintu 6 biji mu Bufumu bilengela kuketekela amba mazhikakanwa akapwa
BINTU BYAAMBA BAIBOLO
Twakonsha Kuyuka Byepi Amba Baibolo wa Kine?
Inge Baibolo bamunembele kwi Lesa, wafwainwa kwikala buku walumbuluka kukila mabuku onse.
MEPUZHO O BEPUZHA JAVULA
Lufunjisho lwa Baibolo lo lu ka?
Tanai mikumbu ya mepuzho epuzha bantu javula pa mutanchi wetu wa kufunjisha Baibolo.
