MUKWEKELE WIIKAJILA
Nkondo—Bikooba Bufumu bwa Lesa
Mwaya ntanda yonse, bantu batwajijilatu kulwa nkondo. Akino kyalengela bintu byavula konaika ne kulengela bantu bavula kuyanda. Monai ano masawakya:
“Mwaka wapwa, bantu bavula bafwile na mambo a nkondo kikatakata mu kyalo kya Ethiopia ne Ukraine kukila bantu bafwile mu mwaka wa 1994.”—Peace Research Institute Oslo, June 7, 2023.
“Nkondo iji mu Ukraine yabayile bingi kutendeka mu 2022. Mwaya ntanda yonse, milukuchi ya bumulwilatanda yabayile bingi mwaka wapwa kya kuba’mba bantu kukila pa 1.7 bilyonyi bo bayanjijilemo.”—The Armed Conflict Location & Event Data Project (ACLED), February 8, 2023.
Baibolo waamba pa bintu byawama bikooba Bufumu bwa Lesa. Waamba’mba: “Lesa wa mwiulu ukaleta bufumu bo bakabula konauna.” (Danyela 2:44) Mu buno Bufumu nangwa’mba kafulumende, Lesa ‘ukapwisha nkondo pa ntanda ponse.’—Salamo 46:9.
Mwakonsha Kutemwa
ESSENTIAL BIBLE TEACHINGS
Bufumu bwa Lesa bo bu ka?
Mu mwingilo wanji yense, Yesu wafunjishanga javula pa Bufumu bwa Lesa. Pa myaka yavula yapitapo, bakalume banji balombela’mba Bufumu bwa Lesa bwiye.
ESSENTIAL BIBLE TEACHINGS
Mambo ka Lesa o Alengejile Ntanda?
Pano pa ntanda paji bilengwa byavula byawama bingi. Ntanda iji patalulumuka bulongo kufuma ku juba, yasendama bulongo kabiji izhokoloka pa masekenyi afwainwa. Mambo ka Lesa o alengejile ntanda yawama bibye?
BAKAMONYI BA KWA YEHOBA
Lombai Lufunjisho lwa Baibolo
Ikalai na lufunjisho lwa Baibolo lwatutu pa kimye ne mpunzha yo mukeba.
