LABAINGA MUKENKENTENGA!
Bamulwila Ntanda Baamba’mba Amagedonyi Katatakatu Ifike—Baibolo Waambapo’mba Ka?
Lukelo pa Kimo pa 10 October 2022, kyalo kya Russia kyaponeshele mabomba avula mu kyalo kya Ukraine na mambo a bomba watubikile ne konauna kyabu kikatampe kya kwantankenye kyalo kya Russia ne Crimea pa Kibelushi pa 8 October 2022. Bino bintu byamwekele aku bamulwila ntanda bambatu amba Amagedonyi katatakatu ifike.
Pa 6 October 2022, ndamakyalo wa mu U.S. aye Joe Biden waambile’mba: “Tukyangye kufwenyapo kwipi na Amagedonyi kufumatu kimye kyo kwajinga lukatazho lwa mabomba lwajinga mu kyalo kya Cuba kimye kyajingako Kennedy [John F wajinga ndamakyalo mu kyalo kya U.S.]. . . . Nalanguluka’mba kechi kyakonsheka kwingijisha mabomba a nyukiliya kwa kubula Amagedonyi kutendeka ne.”
Pa 8 October 2022, ba BBC News byo baipwizhe ndamakyalo wa ku Ukraine aye Volodymyr Zelensky pa byatama byakonsha kufumamo mu kwingijisha mabomba a nyukiliya, wakumbwile’mba: “Naswa kuba’mba kuba bino kwakonsha kulengela Amagedonyi kutendeka ne kubika ntanda yonse mu kizumba.”
Nanchi kwingijisha mabomba a nyukiliya kwakonsha kulengela Amagedonyi kutendeka nyi? Baibolo waambapo’mba ka?
Nanchi kwingijisha mabomba a nyukiliya ko kukalengela Amagedonyi kutendeka nyi?
Ine. Kyambo kya kuba’mba “Amagedonyi” kitanwatu jimo mu Baibolo pa Lumwekesho 16:16. Kechi kilumbulula nkondo yubiwa mu bisaka bya bantu ne, pakuba ke nkondo ya Lesa yo akalwa na “bamfumu ba pano pa ntanda ponse.” (Lumwekesho 16:14) Lesa ukengijisha nkondo ya Amagedonyi kupwishishamo bukalama bwa bantu.—Danyela 2:44.
Pa kuba’mba mufunjilepo byavula pa nkondo ya Amagedonyi, tangai kibaaba kya kuba’mba Nkondo ya Amagedonyi yo i Ka?
Nanchi nkondo ya mabomba a nyukiliya ikonauna ntanda ne bantu nyi?
Ine. Nangwa kya kuba bakalama ba ino ntanda bakengijishe mabomba a nyukiliya kulutwe, Lesa kechi ukaswisha’mba bonaune ntanda ne. Baibolo waamba’mba:
“Ntanda yaikala myaka ne myaka.”—Musapwishi 1:4.
“Baoloka bakaswana ntanda, kabiji bakekalangamo myaka ne myaka.”—Salamo 37:29.
Nangwa byonkabyo, bungauzhi bwa mu Baibolo ne bintutu bikwabo bibena kumweka bimwesha’mba katatakatu bintu bipimpule pano pa ntanda. (Mateo 24:3-7; 2 Timoti 3:1-5) Yukai byaamba Baibolo pa bintu bikamweka kulutwe kupichila mu kufunda Baibolo kyatutu.
Mwakonsha Kutemwa
MEPUZHO A MU BAIBOLO A KUMBULWA
Nanchi Ntanda Bakeyonauna Nyi?
Baibolo walumbulula ene mambo Lesa o alengejile ntanda.
ESSENTIAL BIBLE TEACHINGS
Mambo ka Lesa o Alengejile Ntanda?
Pano pa ntanda paji bilengwa byavula byawama bingi. Ntanda iji patalulumuka bulongo kufuma ku juba, yasendama bulongo kabiji izhokoloka pa masekenyi afwainwa. Mambo ka Lesa o alengejile ntanda yawama bibye?
MEPUZHO A MU BAIBOLO A KUMBULWA
Kiyukilo kya “Moba a Kupelako” Nangwa’mba “Bimye bya ku Mpelo” kyo ki ka”?
Baibolo waambijile jimo bintu byavula bingi bikekala ke “biyukilo” bimwesha’mba tuji mu moba a kupelako.
Kyalo kya Russia Kyalukuka Kyalo kya Ukraine—Nanchi Bungauzhi bwa mu Baibolo Bubena Kufika Nyi?
Funjilaipo bikwabo muyuke mwatala bintu bibena kumweka mu ntanda lelo.
KYAMBA KYA USOPA
Nanchi Kyakonsheka Kupuluka Nkondo ya Amagedonyi Nyi?
Amagedonyi kino kyambo kileta bingi moyo, pano kino kyambo kyatala mwepi?
BAKAMONYI BA KWA YEHOBA
Lombai Lufunjisho lwa Baibolo
Ikalai na lufunjisho lwa Baibolo lwatutu pa kimye ne mpunzha yo mukeba.
