PA 11 MARCH, mu 2015 mu kyalo kya Angola mu Luanda mwanokele mvula wa kinkunkwila waipaile bantu 85 ne konauna mazubo 119 mu kibunji kya Benguela, kyaikela palepa makilomita 500 kufuma mu muzhi mukatampe wa kino kyalo wa Luanda. Sawakya wafumine ku Musampi wa Bakamonyi ba kwa Yehoba mu Angola walumbulwile’mba kafwako nangwa umo Kamonyi wafwa ne, pano bino mazubo 11 a Bakamonyi aonaika kabiji amo akunduka. Nzubo ya Bufuma yaikela mu muzhi wa Lobito yaonaikile na muyulo.

Juba jalondejilepo kavoto kakwasha baponenwa na bya malwa ka Bakamonyi kayile na kumona bintu byaonaikile ne kunengezha bya kwibakwasha. Bakamonyi bakwashishe bapopweshi bakwabo ne babula Bakamonyi ba ku ino mpunzha. Mvula wa kinkunkwila byo apwile, Bakamonyi bafuminye mateshi avula ne mema pa Nzubo ya Bufumu ya mu Lobito ne kwiiwamisha kuba’mba bakapwijile ku mpelo ya mulungu. Bemenako musampi wa Bakamonyi ba kwa Yehoba mu Angola bafumine ku Luanda ne kuya na kutundaika ne kukosesha Bakamonyi ba mu ano mapunzha na mambo a Lesa.

Ba Todd Peckham bambilako Bakamonyi ba kwa Yehoba mu Angola baambile’mba: “Kechi twibalubako bonse babena kuyanda na mambo a kinkunkwila ne. Ofweshi wa musampi usakutwajijila kwingijila pamo na kavoto ka bukwasho ne kukwasha bonse baji ku ino mpunzha.”

Media Contact(s):

International: J. R. Brown, Office of Public Information, tel. +1 718 560 5000

Angola: Todd Peckham, tel. +244 222 460 192