MAY 22, 2015
MEXICO
Kishimikwa Kikatampe Muji Mabuku Avula Kiji mu Kyalo mo Bamba Kisipanishi Kyatambulwila Bakamonyi ba kwa Yehoba
MU MEXICO CITY, Bakamonyi ba kwa Yehoba bebechile kuba’mba beye ku Guadalajara International Book Fair, ku kishimikwa kyabaya bingi mu byalo mo bamba Kisipanishi kabiji kyo kyalondelapo kubaya pa kishimikwa kya Frankfurt Book Fair kiji ku Germany. Kuno ku Guadalajara mu Mexico, pa 29 November kufika pa 7 December mu 2014 koko batambishenga mabuku kabiji bantu 760, 000 bo baishile kuno.
Bapaine buku wa kuba’mba Questions Young People Ask—Answers That Work (Banyike Bepuzha) volyumu 1 ne 2 ku bantu kukila pa 4,000.
Bakamonyi ba kwa Yehoba bevwangilemo mu kino kintu kya kisemwa kabiji bashimikile tumazubo 1,900 mwajinga ma Baibolo ne mabuku alumbulula Baibolo afumine mu byalo 44. Kabiji pa ano mabuku pajinga ne aamba pa bisemi, pa banyike ne pa baana.
Ba Gamaliel Camarillo, bambilako Bakamonyi ba kwa Yehoba mu Mexico, baambile’mba: “Pa moba ana o twamwesheshenga mabuku mu tuno tu mazubo, bantu kukila pa 10,000 baishilenga na kumona mabuku kabiji twapaine mabuku nobe 29,000 kwakubula kwibalipilisha mali. Nangwa byonkabyo, kyo tubena kukeba kechi kupanatu mabuku ne. Mu magazine ne mu mabuku etu banembamo byaamba Baibolo, bibena kukwasha bantu bavula mu ano moba.”
Media Contact(s):
International: J. R. Brown, Office of Public Information, tel. +1 718 560 5000
Mexico: Ba Gamaliel Camarillo, tel. +52 555 133 3048