MEXICO CITY—Bakulumpe ba mu kafulumende ba ku Baja California, mu Mexico, bapele Bakamonyi ba kwa Yehoba pepala wa kwibasanchila pa mwingilo wabo wa kufunjisha bantu Baibolo mu tuleya. Uno pepala basainepo ku munembeshi wa kipamo kitala pa kuzhikijila bantu abo ba Daniel De La Rosa Anaya, ne munembeshi wa tuleya mu kyalo abo ba Jesús Héctor Grijalva Tapia.

Uno pepala banembelepo’mba: “Kufuma ku kafulumende, kwitwimenako ku munembeshi utala pa bya kuzhikijila bantu, tubena kusanchila Bakamonyi ba kwa Yehoba pa mwingilo ye babena kwingila mu Baja California; ubena kulengela baji mu tuleya kwikala na byubilo byawama ne kukekala bulongo na bakwabo inge bafumamo.”

Bakamonyi ba kwa Yehoba baya mu tuleya twavula tuji mu Baja California, ne kaleya kamo kaji mu Mexicali ko batendekele kuya 1991 kaili umo byo alombele kumufwakesha. Bakamonyi besambile na mukulumpe wa kipamo kikwasha baji na byubilo byatama kutendeka kwikala bulongo kya Social Rehabilitation Center mu Mexicali, abo ba Jesús Manuel López Moreno, baambile’mba: “Byo muya na kumona bakaili mu bena kwitukwashako mu mwingilo wetu, kabiji bakaili mwibalengela kuyuka’mba: ‘Banema bingi, nabo bantu, kabiji inge kimye kyafika bakafuma kabiji bakaya na kwikalatu bulongo na bantu.’ . . . Mbena kwimusanchila bingi pa mwingilo wenu.”

Ba Gamaliel Camarillo, baambilako Bakamonyi ba kwa Yehoba mu kyalo kya Mexico, baambile’mba: “Mwingilo wetu mwine ke wakukwasha bantu, kubikapotu ne bakaili kumvwisha byaamba Baibolo. Kipwilo kya mu Mexicali kyapaine sawakya wa kuba’mba bantu kukila pa batanu na basatu babatizhiwa ne kwikala Bakamonyi ba kwa Yehoba saka bakiji monka mu kaleya ka mu Mexicali. Twaitabila kuba’mba bantu ba mitundu yonse bafwainwa kufunda byaamba Baibolo.”

Media Contact(s):

International: J. R. Brown, Office of Public Information, tel. +1 718 560 5000

Mexico: Ba Gamaliel Camarillo, tel. +52 555 133 3048