Pa Kitanu 3 April mu 2015 mu muzhi wa New York, Bakamonyi ba kwa Yehoba bakavulukanga lufu lwa kwa Kilishitu. Akino ke kintu kyo banemeka bingi kyo boba pa mwaka pa mwaka. Pa jino juba, pakekala ne jashi ja maminiti 45 jiji na mutwe waamba’mba “Mweshai’mba Musanta pa byo Emubila Kilishitu!” Jino juba saka jikyangye kufika, Bakamonyi bakeyeka mwaya ntanda yonse na kwita bo bekala nabo kipikipi, balunda nabo ne bisemi byabo kuba’mba bakatanweko pa jino juba.

Ba J. R. Brown bambilako Bakamonyi ba kwa Yehoba pa ofweshi wa ntanda yonse ku Brooklyn, mu New York baambile’mba: “Mwaka wapwa, Bakamonyi ba kwa Yehoba 8 milyonyi baichile bantu pepi na 20 milyonyi ku Kivuluko kya lufu lwa kwa Kilishitu. Uno mwaka twaketekela bantu bakavula bingi kukila papo.”

Media Contact(s):

International: J. R. Brown, Office of Public Information, tel. +1 718 560 5000