Taganrog, Rostov Region. Pa 17 March, 2016, Kije kya Rostov Regional Court kyaswishishe byafuukwilepo kije kikwabo byo kyazhachise Bakamonyi 16 na mambo a bupopweshi bwabo, pano bino kyakepesheko mali o batongwejile Bakamonyi 12 kupana afikile ku 10,000 rubles ($147 U.S.). Kechi twakiyuka kikafumamo byo bakana kwibakasa ne mali a kupana kechi akiyukanyikwa ne.

Nzhachishi wakebeshatu kukanya Baibolo amba “kechi buku wawama ne.” Baji mu kipamo kya Leningrad-Finlyandskiy Transport Prosecutor baambile’mba Baibolo wa Binembelo bya Ntanda Ipaya wanemba Bakamonyi ba kwa Yehoba ke buku “watama bingi.” Kuba bino ke kulala muzhilo wa Article 3-1 wa Kije Kikatampe Kitala pa Mabuku o Bakanya, ino mizhilo yaamba’mba Baibolo kechi buku ye mwafwainwa kukanya ne. Nangwa kya kuba Baibolo wa Binembelo bya Ntanda Ipya naye Baibolo, uno nzhachishi waambile’mba kyo nafuukwilapo kumukanya ke na mambo a kuba’mba buku yense ye babula kutuntulula mwayila “mizhilo yazhila” ya Chechi wa Orthodox mu Russia kechi Baibolo ne. Kije kyo batela’mba Vyborg City kikatalapo jikwabo pa ano mambo pa 26 April, 2016.