Mambo o babwezhezhe ku kochi a Bakamonyi ba kwa Yehoba 16 mu Taganrog mu Russia, mu February mu 2015 atwajijila kufika ne mu ñondo wa butanu. Kyamweka Bakamonyi basakwibakasa ne kwibalipilisha mali avula na mambotu a kuba byo baitabilamo.

Batendekele kwibatotolwesha pa 13 May mu 2013 na mambo na mambo a kukizhamo bya bupopweshi o bebapamo. Kochi walipilishe Bakamonyi batanu na babiji ne kukasa Bakamonyi bana moba avula bingi mu kaleya, bino mutonyi waishile kwibalekelako mambo. Pa 12 December mu 2014, kochi utala pa mambo o babwezhe ku kochi waambile’mba bakabwezhepo ano mambo byonka byakeba Shabyambo. Bakamonyi ba kwa Yehoba babena kutengela kumvwa byo bakachiba ano mambo mu kumpelo ya ñondo wa June.