Nzubo ya Bufumu ya ku HORLIVKA—beyangachile ku jibumba ja banabalume basatuka.

• Kumpelo ya ñondo wa June mu 2014, jibumba ja bantu bajinga na mata batwelele mu Nzubo ya Bufumu, ne kwiba bijimba ne kukiyako na maloko angi a katataka ku binzhilo. Kabiji batendekele ne kwikala monka mu ino Nzubo ya Bufumu.

Nzubo ya Bufumu ya ku HORLIVKA—beyangachile ku jibumba ja banabalume basatuka.

• Pa 5 July mu 2014, jibumba ja banabalume bajinga na mata jaangachile Nzubo ya Bufumu. Beingijishenobe kampu wa bashilikale ne kulaminamo mata, pano bino bafuminemo mu September mu 2014. Bakamonyi batendekele kwingijisha jikwabo ino Nzubo ya Bufumu.

• Pa 12 October mu 2014, jibumba ja banabalume bajinga na mata bavulañenye kupwila mu Nzubo ya Bufumu ne kwambila bonse kuleka mingilo yabo ya bya bupopweshi. Baambile kuba’mba bupopweshi bwa Orthodox bo bupopweshitu bo baswishishe mu ino mpunzha ne kuba’mba katatakatu “bazhiishe Bakamonyi ba kwa Yehoba bonse.” Bano banabalume bengijisha ino Nzubo ya Bufumu nobe kampu wa bashilikale.

Nzubo ya Bufumu ya ku DONETSK—beyangachile ku jibumba ja banabalume basatuka

• Pa 13 August mu 2014, jibumba ja banabalume bajinga na mata batwelele mu Nzubo ya Bufumu ne kutendeka kwiingijisha nobe kampu wa bashilikale.

• Pa 19 August mu 2014, bano banabalume baibile bijimba ne kufumamo mu kishimikwa. Bakamonyi batendekele kupwila jikwabo mu ino Nzubo ya Bufumu.

• Pa 18 October mu 2014, panyuma ya kupwisha kupwila, bakulumpe ba mu jibumba ja Fourth Oplot Battalion bayile mu Nzubo ya Bufumu ne kubula Bakamonyi bajingamo kuba’mba tubena kwimwangata ino Nzubo ya Bufumu.

• Pa 18 November mu 2014, jibumba ja banabalume bajinga na mata jakambizhe kuba’mba Bakamonyi bafwachike bipepala bibena kumwesha kuba’mba bapana Nzubo ya Bufumu ku jibumba ja bashilikale. (Commandant’s Office of the Petrovskyi and Kirovskyi District). Bano banabalume batendekele kwingijisha kino kishimikwa nobe kampu wa bashilikale.

Nzubo ya Bufumu ya ku HORLIVKA—beyangachile ku bantutu.

• Pa 30 September mu 2014, bengijila ku nzubo ya mabilabila (TV) batebawishishe bano bantu pa ino Nzubo ya Bufumu, baambile kuba’mba twibangatayo Bakamonyi ba kwa Yehoba pa kuba’mba tufunjishishengamo bantu bya kutaya binkonyi. Kutendekatu mu 2013, ino Nzubo ya Bufumu beilukanga bingi ne kukeba kwiisoka. Kimye kyapeleleko kyo bakebelenga kusoka ino Nzubo ya Bufumu pajinga pa 5 June mu 2014.

Nzubo ya Bufumu ya ku DONETSK—beyangachile ku jibumba ja banabalume basatuka.

• Pa 26 October mu 2014, jibumba ja banabalume bajinga na mata ba ku Shakhtar Battalion ba mu Donets People’s Republic (DPR) batwelele mu Nzubo ya Bufumu kabiji beingijisha nobe kampu wa bashilikale.

Nzubo ya Bufumu ya ku ZHDANIVKA—beyangachile ku jibumba ja banabalume basatuka.

• Pa 27 October mu 2014, kwesakana na byo bebambijile ku mukulumpe wa bashilikale, banabalume ba ku Horlivka bajinga na mata baingachile Nzubo ya Bufumu. Mukulumpe wabubiji waambile’mba bupopweshi bwa Orthodox bo bonkatu bo baswisha mu ino mpunzha ne kuba’mba bupopweshi bukwabo kechi bebuswisha ne.

• Pa 21 November mu 2014, jibumba jikwabo ja bano banabalume jabujile Bakamonyi ba kwa Yehoba kuba’mba babena kwabangata Nzubo ya Bufumu.

Nzubo ya Bufumu ya ku TELMANOVE—beyangachile ku jibumba ja banabalume basatuka.

• Pa 4 November mu 2014, jibumba ja banabalume bajinga na mata batwelele mu kishimikwa ne kutendeka kwiisopa.

• Pa 11 December mu 2014, bano banabalume baletele mata mu kino kishimikwa kabiji bengijisha kino kishimikwa nobe kampu wa bashilikale.

Nzubo ya Bufumu ya ku MAKIIVKA—beyangachile ku jibumba ja banabalume basatuka bino pa kupitapo moba bafuminemo.

• Pa 5 November mu 2014, jibumba ja banabalume bajinga na mata ba ku Rus Battalion batwelele mu Nzubo ya Bufumu. Baambijile Bakamonyi kwibapa makii a Nzubo ya Bufumu ne kwibambila’mba kukabwela muno jibiji ne. Juba jalondejilepo, mukulumpe wa bubiji wafuminye kipabi po banembele’mba Nzubo ya Bufumu ne kubikapo mbandela yabo.

• Pa 26 November mu 2014, jino jibumba ja battalion bafuminemo mu kino kishimikwa.

Nzubo ya Bufumu ya ku HORLIVKA—beyangachile ku jibumba ja banabalume basatuka bino pa kupitapo moba bafuminemo.

• Pa 29 November mu 2014, jibumba ja banabalume bajinga na mata batwelele mu Nzubo ya Bufumu ne kwambila Bakamonyi bajingamo amba tubena kwimwangata kino kishimikwa. Mwanamulume umo waambile kuba’mba kafulumende wa DPR waswishatu bupopweshi bwa ba Orthodox mu ino mpunzha kwapwa. Bano banabalume babikileko bakusopa kino kishimikwa na mata ne kubula Bakamonyi kuba’mba kechi bafwainwa kutwelamo jibiji ne. Juba jalondejilepo, bano banabalume bafuminemo mu kino kishimikwa.

Nzubo ya Bufumu ya ku ZUHRES—beyangachile ku jibumba ja banabalume basatuka.

• Pa 20 December mu 2014, mukulumpe wa bashilikale waambile kuba’mba ubena kwangata kino kishimikwa. Waambijile Bakamonyi ba kwa Yehoba kumupa makii a kino kishimikwa ne kwibabula’mba kechi bafwainwa kubwela na kwingijisha kino kishimikwa jikwabo ne.

Nzubo ya Bufumu ya ku DONETSK—beyangachile ku jibumba ja banabalume basatuka.

• Pa 1 February mu 2015, jibumba ja banabalume bajinga na mata batwelele mu Nzubo ya Bufumu. Baambijile Bakamonyi kuba’mba bapane makii a Nzubo ya Bufumu ne kufwachika pa pepala kumwesha kuba’mba bapana Nzubo ya Bufumu ku jino jibumba pa kimye kyo kwajinga nkondo.

Nzubo ya Bufumu ya ku YENAKIEVE—beyangachile ku jibumba ja banabalume basatuka.

• Pa 3 March mu 2015, jibumba ja banabalume bajinga na mata jaambile kuba’mba Bakamonyi ba kwa Yehoba bapane makii a Nzubo ya Bufumu kuba’mba beingijishenga nobe kampu wa bashilikale.

Nzubo ya Bufumu ya ku ANTRATSYT—beyangachile ku jibumba ja banabalume basatuka.

• Bimye bibiji mu September mu 2014, bantu babula kuyukanyikwa batwelele mu Nzubo ya Bufumu. Baibile bijimba ne kunemba pa lubumbulu’mba “Nzhita ya Chechi wa Orthodox.” (“Orthodox Cossacks!”)

• Pa 25 September mu 2014, ba ku nzubo ya mabilabila bapaine sawakya wa kuba’mba Mazubo a Bufumu a Bakamonyi ba kwa Yehoba beangata ne kutendeka kwingijilamo mingilo ikwabo, amo bealula ke masukulu a banyike.

Nzubo ya Bufumu ya ku ROVENKY—beyangachile ku jibumba ja banabalume basatuka.

• Pa 23 September mu 2014, jibumba ja banabalume bajinga na mata ba ku St George Battalion batwele mu Nzubo ya Bufumu ne kukanya Bakamonyi kuba’mba kukabwela muno ne. Banabalume bajinga na mata batendekele kwingijisha ino nzubo nobe kampu wa bashilikale.

Nzubo ya Bufumu ya ku PEREVALSK—beyangachile ku jibumba ja banabalume basatuka.

• Pa 5 November mu 2014, jibumba ja banabalume bajinga na mata jatangijilenga mukulumpe wa bubiji wa bashilikale wa mu kipanyi kya Military Commandant’s Office watwelele mu kishimikwa ne kwambila Bakamonyi bajingamo amba, tubena kwangata kino kishimikwa mwikale mwakujila. Uno mukulumpe wa bubiji waambile’mba, “Bakamonyi ba kwa Yehoba kyapwa bunga bwapwila pa mpuki.” Kepo abujile Bakamonyi ba kwa Yehoba amba kechi bakengilapo mwingilo wabo wa bya bupopweshi jikwabo ne.

Nzubo ya Bufumu ya ku KRASNYI LUCH—beyangachile ku jibumba ja banabalume basatuka.

• Pa 5 December mu 2014, jibumba ja banabalume jatwelele mu Nzubo ya Bufumu. Batwezhezhe bamalonda bajinga na mata bakusopa kino kishimikwa kabiji baimikile ne myotoka ya bashilikale mu lubanza lwa kino kishimikwa.

Nzubo ya Bufumu ya ku BRIANKA—beyangachile ku jibumba ja banabalume basatuka.

• Pa 26 March mu 2015, jibumba ja banabalume bajinga na mata jatwelele mu ino Nzubo ya Bufumu. Basendele bipona byonse byajinga mu kino kishimikwa ne kunemba pa kipabi kya Nzubo ya Bufumu amba, “Almighty Don Host.”