Bakamonyi ba kwa Yehoba mu NEW YORK basakutendeka kushonkena kutanshi kwa “Londelainga Yesu!” Kushonkena mu United States ku katendeka pa Kitanu lukelo pa 22 May mu 2015. Kuno kushonkena ko bakabulanga kulipilisha mali kukekalako kumpelo ya mulungu mu mapunzha apusana pusana 11 kubikapotu ne mu kishimikwa kyaya lulumbi kya Stanley Theater kuji mu Jersey City, New Jersey (lead photo). Bakamonyi babena kuketekela bantu 41,000 kutanwa ku kuno kushonkena kukekela mu mapunzha 11 apusana pusana.

Ba J. R. Brown, bambilako Bakamonyi ba kwa Yehoba pa ofweshi mukatampe wa ntanda yonse mu Brooklyn New York, baambile’mba: “Bonse baswile kutambula tupepala twa kwiya na kushonkena mu mapunzha mo bekala bakebatambwila bingi, kabiji twaketekela kuba’mba bakatemwa bingi inge batanwako. Kushonkena kwa ‘Londelainga Yesu!’ Pa kuno kushonkena kwa moba asatu kukekala majashi awama bingi aamba pe Yesu byo afunjishanga, akakwasha bantu bonsetu baji na mafumbi apusana pusana kabiji babena kwikala bwikalo bwapusana pusana.”

Kisalo kyonse kufika ne mu January mu 2016, Bakamonyi ba kwa Yehoba bakekala na kushonkena 5,000 kwa “Londelainga Yesu!” Kuno kushonkena kukekala mu byalo 92. Uno mutanchi ye banengezha ku Jibumba Jitangijila ja Bakamonyi ba kwa Yehoba ukekalako yense nangwa lubaji lumo mu milaka 347, kubikapotu ne milaka 55 ya kwamba na maboko.

Media Contact(s):

International: J. R. Brown, Office of Public Information, tel. +1 718 560 5000