Mizhilo ya Bufyamfya

•  Kunemeka Byambo Byenu bya Bufyamfya

•  Kuyuka bya Kwingijisha Mabulañano a Muntu

•  Kuzhikijila Mabulañano ne bya Bufyamfya

•  Baana Bacheche

•  Jibumba nangwa Kampanyi Mukwabo Mwavwangwamo

•  Kubulañana Inge Kwaubiwa Lupimpu ku uno Muzhilo

•  Mutanchi Uleta Bukiji Byambo (Scripting nangwa JavaScript)

Monai Ne

• Muzhilo wa Ntanda Yonse wa Bakamonyi ba kwa Yehoba wa Kuzhikijila Mabulañano

• Muzhilo wa Ntanda Yonse Waamba pa Kwingijisha Mabulañano a Muntu

• Muzhilo wa Ntanda Yonse Walumbulula bya Kwingijisha Mitanchi ya pa Kompyuta Ilama Byambo ne Ikwabotu

Tutako bingi muchima kuzhikijila ne kunemeka byambo byenu bya bufyamfya. Uno muzhilo walumbulula byo twafwainwa kwingijisha mabulañano enu nangwa byambo byo munemba pa keyala wetu. Tulamapo byambo bimo inge mwaya pa keyala wetu kabiji twayuka buneme bwa kuzhikijila bino byambo ne kwimubuula byo tukebingijisha. Mwakonsha kwitubuula mabulañano amo pe anweba bene. Byambo bya kuba’mba “mabulañano enu” kwesakana na byo twibingijisha mu uno Muzhilo bibena kulumbulula mabulañano nabiji jizhina jenu, keyala wa e-mail, keyala ye mutambwilamo makalata, nangwa mabulañano akwabo a kwimuyukilako. Kechi mukakebewanga kunemba mabulañano enu inge mubena kutanga byambo byo banengezhezha bantu bonse pa uno keyala ne. Byambo bya kuba’mba “keyala wetu wa pa intaneti,” byavwangamo ne uno keyala ye mujipo ne makeyala akwabo, nabiji apps.pr418.com, tv.pr418.com, stream.pr418.com, ne wol.pr418.com.

Uno keyala wa ba Watchtower Bible and Tract Society of New York, Inc. (“Watchtower”), kipamo kya New York kikwasha mingilo ya Bakamonyi ba kwa Yehoba ne mwingilo wa kufunjisha Baibolo, kechi kipamo kya busulu ne. Inge mwashinkwishapo jishinda jimo ja kutambwilamo mabulañano amo (account), nangwa mukeba kupanako bupe bwa mali, kulomba kuba’mba bemufunjishenga Baibolo kyatutu nangwa jishinda jikwabo javwangamo kupana mabulañano enu ku kompyuta mukatampe ulama byambo uji ku United States of America ne ku bipamo bikwabo bitundaika mwingilo wa Bakamonyi ba kwa Yehoba mu byalo byapusana pusana, bakatambula mabulañano enu kwesakana na byo mubena kukeba. Kino kipamo kya bupopweshi kitangijila uno mwingilo pano pa ntanda ponse kupichila mu bipamo biji mu byalo byapusana pusana. Pa kuba’mba mabulañano azhikijilwe, bino bipamo byavwangamo bipwilo, maofweshi a musampi, ne bipamotu bikwabo bingijisha jibumba ja Bakamonyi ba kwa Yehoba.

Mashinda o balaminamo ne kwingijisha mabulañano enu apusana-pusana kwesakana na bintu byo mubena kuba pa keyala wa pa intaneti. Twambe’mba mwapana mali ku kipamo kimo kya mu jibumba jetu mu kyalo kimo, jizhina jenu ne nambala ya foni ne keyala wenu bakebituma ku kyokyo kipamo kyaswishiwa mwayila mizhilo kimyetu kyo mubena kutuma oo mali. Kabiji inge mwalomba kuba’mba bemufunjishenga Baibolo, jizhina jenu ne nambala ya foni ne keyala wenu bakebituma ku ofweshi wa musampi uji mu kyalo kyenu kabiji bakabuula kipwilo kya Bakamonyi ba kwa Yehoba kwiya na kwisamba nenu.

Inge mu kyalo mo mwikala muji mizhilo ya kuzhikijila mabulañano a bantu, mwakonsha kutaana keyala wa kyalo kyo mwikalamo pa makeyala ataanwa pa keyala wa Data Protection Contacts.

Tutako bingi muchima kuzhikijila mabulañano enu ne bya bufyamfya. Twingijisha biñambañamba bya kulaminamo mabulañano bya katataka ne mashinda awama a kuzhikijilamo mabulañano enu kya kuba kafwako muntu mukwabo wakonsha kwibiyuka ne, nangwa kubula kwiengijisha bulongo nangwa kwiasolola kuba bantu bwabo, kupimpulako kwa kubula luusa lwenu, kwionauna kwa kubula kulondela mizhilo nangwa konauna ano mabulañano kya mapuso. Bonse bengijila pa mabulañano ne bipamo bikwabo byo twingijisha kutala pa mabulañano bebakambizha mwayila mizhilo kunemeka bya bufyamfya. Tulama mabulañano enu kwesakana na kine kintu kyo mwiapainjile kabiji tukookela mizhilo yaamba pa kwingijisha mabulañano a muntu.

Tuzhikijila mabulañano enu kimye kyo mwiatuma kwingijisha jishinda jitelwa’mba Transport Layer Security (TLS). Twingijisha biñambañamba bya makompyuta byakatazha kutwelamo bantu biji mu makompyuta o babika mu bishimikwa byazhikijilwa bulongo mubula kutwela bantu pa kuba’mba tuzhikijile bulongo bya bufyamfya ne kuzhikijila mabulañano o mwatumwa. Kabiji kechi tuswisha muntu ye babula kupa luusa kutwela muji ano makompyuta ne.

Inge kya kuba’mba anweba muji pa uno keyala mwi baana bacheche, mwafwainwa kwingijila pamo na bansemi benu nangwa bakulumpe be mulama kimye kyo mubena kupana mabulañano. Inge kya kuba’mba mwi bansemi kabiji mwaswisha mwana wa mucheche kutuma mabulañano ku uno keyala wa pa intaneti, ko kuba’mba mwaswa uno Muzhilo waamba pa baana bacheche.

Bimye bimo uno keyala wetu wakonsha kwikala na misabilo ya keyala mukwabo wa kampanyi ye twaswisha kwitubilako bintu bimo (nabiji kunemba mapepala amo apa intaneti). Mukayuka’mba mwaya pa musabilo wa kampanyi mukwabo mambo mwekelo ya keyala ikapimpulwa. Kimye kyo tubena kusala musabilo wa kampanyi mukwabo, tupesapesa mizhilo ya bya bufyamfya ne bya kuzhikijila mabulañano a bantu pa kuba’mba tumone inge bijitu pamo na mizhilo yetu. Inge mukeba kuyukilapo byavula pa mizhilo ya kampanyi mukwabo ye twaingijisha, mwane yai pa mizhilo yanembwa pa makeyala abo.

Twatwajijila na kuwamishako ne kunungako mashinda a katataka a kwingijishishamo uno keyala wetu, kabiji tubena kuwamisha ne bingila uno keyala wetu ne bintu byo twabikilepo kala. Na mambo a kuba’mba tukatwajijilatu na kupimpulako bimo, ne mizhilo ne kuyilako palutwe mu bya makompyuta, mizhilo ya kuzhikijila mabulañano a bantu ikapimpulwanga pa kimye pa kimye. Inge kyakebewa kuba’mba tupimpuleko Muzhilo wetu, tukabikanga pa uno musabilo lupimpu lonse lukobiwanga pa kuba’mba muyukenga mabulañano o tutambula ne byo twiengijisha.

Uno ke mutanchi ulengela keyala wetu kwingila bulongo. Uno mutanchi ulengela keyala wetu kuleta bukiji byambo byo mubena kukeba. Keyala wetu kechi wingijisha uno mutanchi kubikilamo mitanchi ikwabo mu kompyuta wenu ne, nangwa kusenda mabulañano kwa kubula luusa lwa mwinao ne.

Mutanchi wa Active scripting nangwa wa JavaScript mwakonsha kumwambula pa kuba’mba keyala wa pa intaneti engilenga bulongo. Bantu bavula bambula ne kuzhimya uno mutanchi pa kwingijisha makeyala apusana pusana. Tangai byambo bya kwimukwasha pa yeo keyala pa kuba’mba muyuke bya kwambula uno mutanchi pa oo makeyala.