Mak 16:1-8
-
Jizɔs gɛt layf bak (1-8)
16 So we di Sabat dɔn dɔn, Meri Magdalin, Meri we na Jems in mama, ɛn Salomi bay spays* dɛn so dat dɛn go kam rɔb am na in bɔdi.
2 Dɛn kam na di grev* ali mɔnin di fɔs de insay di wik we di san dɔn kɔmɔt.
3 Dɛn bin de aks dɛn kɔmpin dɛn se: “Udat go pul di ston na di grev in domɔt fɔ wi?”
4 Bɔt we dɛn luk ɔp, dɛn si se di ston nɔ de na di domɔt igen, pan ɔl we i bin rili big.
5 We dɛn go insay di grev, dɛn sɔprayz we dɛn si wan yɔŋman sidɔm na di raytan say. I bin wɛr wan lɔng wayt klos.
6 I tɛl dɛn se: “Una nɔ sɔprayz. A no se una de luk fɔ Jizɔs di Nazarin we dɛn bin kil na di tik. I dɔn gɛt layf bak. I nɔ de ya. Una luk di ples usay dɛn bin le am.
7 Una go tɛl in disaypul dɛn ɛn Pita se, ‘I de go bifo una na Galili. Una go si am de, jɔs lɛk aw i bin tɛl una.’”
8 So we dɛn kɔmɔt insay di grev, dɛn rɔn go. Dɛn bin de trimbul, ɛn dɛn bin rili sɔprayz. Dɛn nɔ tɛl ɛnibɔdi ɛnitin, bikɔs dɛn bin de fred.*
Futnot Dɛn
^ Dis na pawda ɔ lif dɛn, ɛn ɔyl dɛn we dɛn kin yuz fɔ pripia dedebɔdi fɔ bɛr am.
^ Ɔ “di grev we Gɔd de mɛmba.”
^ Insay dɛn fɔs fɔstɛm pepa dɛn we dɛn rayt di Baybul pan, di Gud Nyuz we Mak rayt ɛnd wit di wɔd dɛn we de na vas 8.
