Ɛzra 10:1-44
10 We Ɛzra bin de pre ɛn kɔnfɛs, i bin de kray ɛn i ledɔm flat wan na grɔn bifo di tru Gɔd in os. We i bin de du dis, bɔku bɔku man dɛn, uman dɛn, ɛn pikin dɛn na Izrɛl kam gɛda rawnd am, ɛn di pipul dɛn bin de kray bita bita wan.
2 Dɔn Shɛkanaya we na Jɛaɛl in bɔypikin, we na wan pan di bɔypikin dɛn na Ilam in famili, tɛl Ɛzra se: “Wi dɔn sho se wi nɔ fetful to wi Gɔd bay we wi mared uman dɛn frɔm di pipul dɛn na di land dɛn we de rawnd wi. Bɔt pan ɔl dis, op stil de fɔ Izrɛl.
3 Naw lɛ wi mek agrimɛnt wit wi Gɔd fɔ drɛb ɔl di wɛf dɛn ɛn dɛn pikin dɛn we dɛn bɔn, akɔdin to wetin Jiova ɛn di wan dɛn we gɛt rɛspɛkt fɔ in lɔ dɔn se. Lɛ wi du wetin di Lɔ se.
4 Grap, bikɔs na yu gɛt dis wok, ɛn wi de wit yu. Sho se yu gɛt maynd ɛn du sɔntin.”
5 Na de Ɛzra grap ɛn mek di edman dɛn fɔ di prist dɛn, di Livayt dɛn, ɛn ɔlman na Izrɛl swɛ se dɛn go du wetin dɛn dɔn tɔk. So dɛn swɛ.
6 Na de Ɛzra grap bifo di tru Gɔd in os ɛn go na Jɛoenan, we na Ilayashib in bɔypikin, in rum.* Pan ɔl we i go de, i nɔ it natin ɔ drink wata, bikɔs in at bin pwɛl we di pipul dɛn we kɔmɔt na Babilɔn nɔ fetful.
7 Dɔn dɛn mek anawnsmɛnt ɔlsay na Juda ɛn Jerusɛlɛm se lɛ ɔl di wan dɛn we kɔmɔt Babilɔn gɛda na Jerusɛlɛm;
8 ɛn di prins dɛn ɛn di bigman dɛn disayd se ɛnibɔdi we nɔ kam insay tri dez go fɔfit ɔl in prɔpati dɛn, ɛn dɛn go drɛb am kɔmɔt usay di pipul dɛn we kɔmɔt na Babilɔn de.
9 So ɔl di man dɛn na Juda ɛn Bɛnjamin gɛda togɛda na Jerusɛlɛm insay tri dez, dat na, insay di mɔnt we mek nayn, di de we mek 20 na di mɔnt. Ɔl di pipul dɛn bin sidɔm na di kɔmpawnd na di tru Gɔd in os, ɛn dɛn bin de trimbul bikɔs di kes bin siriɔs ɛn ɛvi ren bin de kam.
10 Dɔn Ɛzra we na di prist grap ɛn tɛl dɛn se: “Una dɔn sho se una nɔ fetful bay we una mared uman dɛn we na fɔrina, ɛn una dɔn ad pan di sin we Izrɛl gɛt.
11 Naw una kɔnfɛs to Jiova we na una gret gret granpa dɛn Gɔd ɛn du wetin i want. Una nɔ fɔ gɛt ɛni biznɛs wit di pipul dɛn na di land ɛn wit di wɛf dɛn we na fɔrina dɛn.”
12 Na de ɔl di pipul dɛn ansa lawd wan se: “Wi go du wetin yu dɔn se.
13 Bɔt di pipul dɛn bɔku, ɛn na ren sizin. Wi nɔ go ebul kɔntinyu fɔ tinap na do, ɛn dis kes nɔ go tek wan de ɔ tu dez, bikɔs wi dɔn sin bad bad wan.
14 So, duya, lɛ wi prins dɛn lɛf na ya ɛn tɔk fɔ wi; ɛn lɛ ɔl di wan dɛn na wi siti dɛn we dɔn mared uman dɛn we na fɔrina kam wan patikyula tɛm, wit di bigman dɛn ɛn di jɔj dɛn na dɛn siti, te wi Gɔd lɛf fɔ vɛks pan wi fɔ dis tin we wi dɔn du.”
15 Bɔt Jonɛtan we na Asaɛl in bɔypikin ɛn Jezaya we na Tikva in bɔypikin nɔ bin gri wit dat, ɛn Mɛshulam ɛn Shabitay we na Livayt dɛn sɔpɔt dɛn.
16 Bɔt di pipul dɛn we bin dɔn kɔmɔt na Babilɔn du wetin dɛn bin dɔn gri pan; ɛn Ɛzra we na di prist ɛn di wan dɛn we de bifo na dɛn papa say, ɔl di wan dɛn we dɛn nem de na di list, kam togɛda di fɔs de insay di mɔnt we mek tɛn fɔ luk insay di kes;
17 ɛn bay di fɔs de insay di fɔs mɔnt, dɛn dɔn fɔ tɔk di kes wit ɔl di man dɛn we dɔn mared uman dɛn we na fɔrina.
18 Ɛn dɛn faynd awt se sɔm pan di prist dɛn bɔypikin dɛn bin dɔn mared uman dɛn we na fɔrina: sɔm pan Jɛshwa in bɔypikin dɛn ɛn brɔda dɛn dɔn mared uman dɛn we na fɔrina. Dɛn nem dɛn na: Measaya, Ɛlieza, Jerib, ɛn Gɛdalaya. Jɛshwa in papa na Jɛɔzadak.
19 Bɔt dɛn prɔmis se dɛn go drɛb dɛn wɛf dɛn, ɛn bikɔs dɛn gilti, dɛn go sakrifays wan man ship fɔ dɛn sin.
20 Ɛn ɔda prist dɛn we bin sin na: pan di bɔypikin dɛn na Ima in famili, na Anenay ɛn Zɛbadaya;
21 ɛn pan di bɔypikin dɛn na Erim in famili, na Measaya, Ilayja, Shimaya, Jɛaɛl, ɛn Uzaya;
22 pan di bɔypikin dɛn na Pashɔ in famili, na Ɛlioinay, Measaya, Ishmɛl, Nɛtanɛl, Jozabad ɛn Ɛliesa.
23 Ɛn pan di Livayt dɛn, na dɛn man ya bin sin: Jozabad, Shimiay, Kɛlaya (dat na, Kɛlayta), Pata-aya, Juda, ɛn Ɛlieza;
24 ɛn pan di wan dɛn we de siŋ, na Ilayashib; ɛn pan di getman dɛn, na Shalɔm, Tilɛm, ɛn Yuray.
25 Ɛn pan di Izrɛlayt dɛn, na dɛn man ya bin sin: pan di bɔypikin dɛn na Perɔsh in famili, na Remaya, Izaya, Malkayja, Mijamin, Ɛlieza, Malkayja, ɛn Bɛnaya;
26 pan di bɔypikin dɛn na Ilam in famili, na Matanaya, Zakaraya, Jɛaɛl, Abday, Jɛrimɔt, ɛn Ilayja;
27 pan di bɔypikin dɛn na Zatu in famili, na Ɛlioinay, Ilayashib, Matanaya, Jɛrimɔt, Zebad, ɛn Azayza;
28 pan di bɔypikin dɛn na Bibay in famili, na Jɛoenan, Ananaya, Zabay, ɛn Atlay;
29 pan di bɔypikin dɛn na Benay in famili, na Mɛshulam, Malɔk, Adaya, Jeshɔb, Shial, ɛn Jɛrimɔt;
30 ɛn pan di bɔypikin dɛn na Peat-moab in famili, na Adna, Kila, Bɛnaya, Measaya, Matanaya, Bɛzalɛl, Binuay, ɛn Manasɛ;
31 pan di bɔypikin dɛn na Erim in famili, na Ɛlieza, Ishayja, Malkayja, Shimaya, Shimiɔn,
32 Bɛnjamin, Malɔk, ɛn Shɛmaraya;
33 pan di bɔypikin dɛn na Eshum in famili, na Matinay, Matata, Zebad, Ɛlifɛlɛt, Jɛrimay, Manasɛ, ɛn Shimiay;
34 pan di bɔypikin dɛn na Benay in famili, na Meadeay, Amram, Yuɛl,
35 Bɛnaya, Bɛdaya, Kɛluay,
36 Vanaya, Mɛrɛmɔt, Ilayashib,
37 Matanaya, Matinay, ɛn Jeasu;
38 ɛn pan di bɔypikin dɛn na Binuay in famili, na Shimiay,
39 Shɛlimaya, Netan, Adaya,
40 Maknadebay, Sheshay, Sheray,
41 Azarɛl, Shɛlimaya, Shɛmaraya,
42 Shalɔm, Amaraya, ɛn Josɛf;
43 ɛn pan di bɔypikin dɛn na Nibo in famili, na Jɛaɛl, Matitaya, Zebad, Zibayna, Jaday, Joɛl, ɛn Bɛnaya.
44 Ɔl dɛn wan ya mared uman dɛn we na fɔrina dɛn, ɛn dɛn drɛb dɛn wɛf dɛn wit dɛn pikin dɛn.
Futnot Dɛn
^ Ɔ “rum usay dɛn de it.”
