Emɔs 8:1-14
8 Dis na wetin Jiova we na di Masta We De Rul Ɔlman sho mi: A si wan baskɛt we gɛt frut dɛn we de bia insay dray sizin.
2 Dɔn i aks se, “Emɔs, wetin yu de si?” A ansa se, “A si wan baskɛt we gɛt frut dɛn we de bia insay dray sizin.” Dɔn Jiova tɛl mi se: “Di ɛnd dɔn kam fɔ mi pipul dɛn we na di Izrɛlayt dɛn. A nɔ go sɔri fɔ dɛn igen.
3 Dis na wetin Jiova we na di Masta We De Rul Ɔlman se, ‘Da de de, di siŋ dɛn na di tɛmpul go tɔn to bita bita kray. Dedebɔdi dɛn go de ɔlsay; wan nɔys nɔ go de.’
4 Una yɛri dis, una we de mas mas di po wan dɛnƐn we de mek di ɔmbul wan dɛn na di land nɔ de go bifo,
5 Una we de se, ‘Ustɛm di fɛstival fɔ di nyu mun go dɔn, so dat wi go sɛl wi wit,*Ɛn ustɛm di Sabat go dɔn, so dat wi go pul wi wit* fɔ sɛl?
So dat wi go mek di tin we wi de yuz fɔ mɛzhɔ smɔlƐn es di prayz,So dat wi go ajɔst wi skel dɛn fɔ rog;
6 So dat wi go bay di wan we nɔ gɛt, wit silvaƐn di po wan fɔ wan pia sandal,Ɛn sɛl di pat pan di wit* we nɔ bɛtɛ.’
7 Jiova dɔn swɛ to Jekɔp in Glori se,‘A nɔ go ɛva fɔgɛt ɔl wetin dɛn dɔn du.
8 Bikɔs ɔf dis, di land* go trimbulƐn ɔl di pipul dɛn we de de go kray.
I nɔ go ful-ɔp lɛk di Nayl?I nɔ go swɛl ɛn dray lɛk di Nayl na Ijipt?’
9 Jiova we na di Masta We De Rul Ɔlman se, ‘Da de de,A go mek di san go dɔŋ san santɛm,Ɛn a go mek di ples dak di tɛm we i fɔ brayt.
10 A go tɔn una fɛstival dɛn to muninƐn ɔl una siŋ dɛn to sɔri siŋ dɛn.
A go put klos we pipul dɛn kin wɛr we dɛn at pwɛl rawnd una wes ɛn mek ɔlman in ed toloŋ;A go mek i tan lɛk we pɔsin de munin fɔ in wangren bɔypikin,Ɛn we i dɔn, i go tan lɛk de we pɔsin de sɔfa.’
11 Jiova we na di Masta We De Rul Ɔlman se, ‘Luk! Di tɛm de kamWe a go sɛn bad bad angri na di land.Di angri nɔto fɔ bred ɛn di tɔsti nɔto fɔ wata,Bɔt na fɔ yɛri wetin Jiova se.
12 Dɛn go staga frɔm wan si to ɔda siƐn frɔm di nɔt to di ist.*
Dɛn go de go ɔp ɛn dɔŋ de fɛn wetin Jiova se, bɔt dɛn nɔ go si am.
13 Da de de, fayn fayn vajin dɛn ɛn yɔŋman dɛnGo fent, bikɔs dɛn tɔsti;
14 Di wan dɛn we de swɛ to di tin we mek Sameria gilti ɛn we de se,“E Dan! As lɔng as una gɔd de alayv,”
Ɛn “As lɔng as di rod fɔ go Biashiba de!”
Dɛn go fɔdɔm, ɛn dɛn nɔ go grap igen.’”
Futnot Dɛn
^ Ɔ “bali.”
^ Wit na tin we pipul dɛn de it.
^ Wit na tin we pipul dɛn de it.
^ Ɔ “grɔn.”
^ Ɔ “usay di san de kɔmɔt.”
