Prɔvabs 3:1-35
3 Mi pikin, nɔ fɔgɛt mi tichin* dɛn,Ɛn lɛ yu obe mi kɔmandmɛnt dɛn wit ɔl yu at,
2 Bikɔs dɛn go mek yu gɛt lɔng layfƐn kolat.
3 Nɔ ɛva lɛf lɔv we nɔ de chenj ɛn tru.
Tay dɛn rawnd yu nɛk;Rayt dɛn na yu at.
4 Dɔn Gɔd ɛn mɔtalmanGo lɛk yu, ɛn yu go si fa.
5 Abop pan Jiova wit ɔl yu atƐn nɔ abop* pan yu yon sabi.
6 Tek notis ɔf am pan ɔl wetin yu de du,Ɛn i go mek yu we klia.
7 Nɔ mek lɛk se na yu wan gɛt sɛns.
Fred Jiova ɛn avɔyd wetin bad.
8 I go tan lɛk mɛrɛsin to yu bɔdi*Ɛn mek yu bon dɛn fil fayn.
9 Ɔnɔ Jiova wit yu valyu tin dɛn,Wit di fɔs* tin dɛn we yu avɛst;*
10 Dɔn yu stɔ dɛn go ful-ɔp piŋ,Ɛn di say we yu wayn de go,* go ful-ɔp pasmak wit nyu wayn.
11 Mi pikin, nɔ tɔn yu bak pan Jiova in disiplin,Ɛn nɔ et in kɔrɛkshɔn,
12 Bikɔs Jiova de kɔrɛkt di wan dɛn we i lɛk,Jɔs lɛk aw papa de du to pikin we i lɛk.
13 Di pɔsin we fɛn sɛns go gladi,Ɛn di pɔsin we de tink gud gud wan fɔ ɔndastand go gladi.
14 Fɔ gɛt am bɛtɛ pas fɔ gɛt silva,Ɛn fɔ gɛt am as prɔfit bɛtɛ pas fɔ gɛt gold.
15 I valyu pas koral* dɛn;
Natin nɔ de we yu go want we yu go kɔmpia to am.
16 Lɔng layf de na in raytan;Jɛntri ɛn glori de na in lɛftan.
17 I go mek yu gladi pan ɔl wetin yu de du,Ɛn yu go gɛt kolat pan ɔltin.
18 I tan lɛk tik we de gi layf to di wan dɛn we de gɛt am,Ɛn di wan dɛn we de ol am tayt wan go gɛt gladi-at.
19 Jiova yuz sɛns fɔ mek di wɔl.
Ɛn i tink gud gud wan fɔ mek di ɛvin de na in ples.
20 Wit in sɛns, i plit di dip wata dɛn midul;Wit in sɛns, dyu bin de kɔmɔt frɔm di klawd dɛn na di skay.
21 Mi pikin, nɔ fɔgɛt dɛn.*
Kɔntinyu fɔ du tin wit sɛns ɛn go de tink fayn fayn wan.
22 Dɛn go gi yu layfƐn bi chen fɔ yu nɛk.
23 Dɔn yu go waka sef wan,Ɛn yu nɔ go ɛva bɔk yu fut.*
24 We yu ledɔm, natin nɔ go mek yu fred;Yu go ledɔm, ɛn yu go ɛnjɔy yu slip.
25 Yu nɔ go fred ɛni bad tin we kin jɔs apin lɛk dat.Yu nɔ go fred big trɔbul we de kam pan di wikɛd wan dɛn lɛk big briz.
26 Na Jiova go gi yu kɔnfidɛns;I go protɛkt yu fut frɔm trap.
27 Du gud to di wan dɛn we yu fɔ du am to,If yu ebul fɔ ɛp dɛn.
28 Nɔ tɛl yu neba se, “Go, kam bak leta! A go gi yu tumara,”
If yu ebul fɔ gi am naw.
29 Nɔ plan bad fɔ yu nebaWe i tink se i sef we i de wit yu.
30 Nɔ mek plaba wit pɔsin fɔ no rizinIf i nɔ du bad to yu.
31 Nɔ jɛlɔs pɔsin we lɛk fɛt-fɛtƐn nɔ falamakata am pan ɛnitin we i de du,
32 Bikɔs Jiova et pɔsin we kɔni,Bɔt i gɛt tayt padi biznɛs wit pɔsin we de du tin tret.
33 Jiova in swɛ de pan di wikɛd wan in os,Bɔt I de blɛs di wan we de du wetin rayt in os.
34 I de laf di wan dɛn we de provok,Bɔt i lɛk di wan dɛn we ɔmbul.
35 Di wan dɛn we gɛt sɛns go gɛt ɔnɔ,Bɔt di wan dɛn we ful de valyu tin dɛn we nɔ gɛt ɔnɔ.
Futnot Dɛn
^ Ɔ “mi lɔ.”
^ Insay Ibru, “ling.”
^ Insay Ibru, “nebul.”
^ Ɔ “di bɛst.”
^ Ɔ “Wit di bɛst tin dɛn we yu gɛt.”
^ Ɔ “di say we dɛn de mek wayn.”
^ Rid Baybul Wɔd dɛn Minin.
^ I go mɔs bi se i de tɔk bɔt Gɔd in kwaliti dɛn we dɛn tɔk bɔt na di vas dɛn bifo dis wan.
^ Ɔ “ɛva jam yu fut pan ɛnitin.”
