Prɔvabs 4:1-27
4 Mi pikin dɛn, una lisin to una papa in kɔrɛkshɔn;Una pe atɛnshɔn fɔ mek una ebul ɔndastand,
2 Bikɔs a go gi una gud advays;Una nɔ tɔn una bak pan mi tichin.*
3 Mi na bin pikin we de obe mi papaƐn na mi, mi mama bin rili lɛk.
4 I tich mi se: “Lɛ yu at nɔ fɔgɛt mi wɔd dɛn.
Obe mi kɔmandmɛnt dɛn ɛn kɔntinyu fɔ liv.
5 Bay sɛns, bay ɔndastandin.
Nɔ fɔgɛt, ɛn nɔ tɔn yu bak pan wetin a de tɛl yu.
6 Nɔ tɔn yu bak pan am, ɛn i go protɛkt yu.
Lɛk am, ɛn i go kip yu sef.
7 Sɛns na di tin we impɔtant pas ɔl, so bay sɛns,Ɛn pan ɔl di tin dɛn we yu de tray fɔ bay, bay ɔndastandin.
8 Tek am as sɔntin we rili valyu, ɛn i go es yu ɔp.
I go ɔnɔ yu bikɔs yu ol am tayt.
9 I go put fayn rawnd tin we dɛn dɛkɔret na yu ed;I go put fayn fayn krawn pan yu.”
10 Lisin mi pikin, ɛn du wetin a de tɛl yu.Ɛn yu go gɛt lɔng layf.
11 A go tich yu fɔ mek yu gɛt sɛns;A go gayd yu so dat yu go du wetin rayt.
12 We yu waka, natin nɔ go blɔk yu we;If yu rɔn, yu nɔ go bɔk yu fut.
13 Ol kɔrɛkshɔn tayt, nɔ lɛf am.
Kip am sef bikɔs i go mek yu gɛt layf.
14 Nɔ go na di wikɛd pɔsin in rod,Ɛn nɔ waka usay di wan dɛn we de du bad de waka.
15 Avɔyd da rod de, nɔ waka de;Nɔ gri fɔ pas de ɛn bay-pas am.
16 Slip de kɔt na dɛn yay pas te dɛn du bad to pɔsin;
Dɛn nɔ ebul slip pas dɛn du bad.
17 Dɛn de fid dɛnsɛf wit wikɛdnɛs we tan lɛk it to dɛn,Ɛn dɛn lɛk fɛt-fɛt we tan lɛk wayn to dɛn.
18 Bɔt di rod usay di wan we de du wetin rayt de waka tan lɛk brayt layt na mɔninWe de kɔntinyu fɔ brayt mɔ ɛn mɔ sote doklin fayn fayn wan.
19 Di wikɛd wan dɛn rod tan lɛk daknɛs;Dɛn nɔ de no wetin de mek dɛn fɔdɔm.
20 Mi pikin, pe atɛnshɔn to mi wɔd dɛn;Tek tɛm lisin* to wetin a de se.
21 Nɔ pul yu atɛnshɔn pan dɛn;Kip dɛn dip insay yu at,
22 Bikɔs dɛn de gi layf to di wan dɛn we de fɛn dɛn,Ɛn dɛn de mek dɛn gɛt wɛlbɔdi.
23 Pan ɔl di tin dɛn we yu fɔ protɛkt, protɛkt yu at,Bikɔs na frɔm am layf de kɔmɔt.
24 Avɔyd bɛnbɛn tɔk,Ɛn avɔyd lay lay tɔk dɛn.
25 Luk tret bifo yu,Kɔntinyu fɔ luk tret bifo yu.
26 Klia di say* usay yu fut de mas,Ɛn ɔl wetin yu de du go kɔmɔt fayn.
27 Nɔ go to di rayt ɔ to di lɛft.
Nɔ alaw yu fut fɔ go usay bad de.
