Prɔvabs 6:1-35
6 Mi pikin, if yu dɔn gi garanti fɔ yu neba in dɛt,If yu dɔn mek agrimɛnt wit strenja,*
2 If yu prɔmis dɔn tan lɛk trap fɔ yu,Ɔ di tin dɛn we yu tɔk dɔn put yu pan trɔbul,
3 Mi pikin, du dis ɛn fri yusɛf,Bikɔs yu dɔn fɔdɔm na yu neba in an:
Go, put yusɛf dɔŋ ɛn beg yu neba wantɛm wantɛm.
4 Yu nɔ fɔ slip,Ɛn yu nɔ fɔ lɔk yu yay sote yu du am.
5 Fri yusɛf lɛk we gezɛl* de kɔmɔt na ɔntinman in an,Ɔ lɛk we bɔd de kɔmɔt na di wan we kech am in an.
6 Yu we lezi, go to di anch;Luk aw i de du tin, ɛn yu go gɛt sɛns.
7 Pan ɔl we i nɔ gɛt kɔmanda, ɔfisa, ɔ rula,
8 I de pripia in it insay dray sizin,Ɛn avɛst tɛm, i de gɛda in it dɛn.
9 Yu we lezi, aw lɔng yu go ledɔm yanda?
Ustɛm yu go grap pan slip?
10 Slip smɔl, sɛt yu yay smɔl,Fol yu an smɔl fɔ rɛst,
11 Ɛn po go kam pan yu lɛk tifman,Dɔn di tin we yu want go kam pan yu lɛk man we ol wɛpɔn.
12 Man we yuslɛs ɛn wikɛd de waka waka de tɔk lay lay tɔk;
13 I de wink in yay, mek sayn wit in fut, ɛn pɔynt wit in finga dɛn.
14 Bad tin dɛn ful-ɔp in atBikɔs ɔltɛm i de plan bad ɛn de kɔz trɔbul.
15 So trɔbul go kam pan am wantɛm wantɛm;Insay shɔt tɛm, dɛn go dɔnawe wit am kpatakpata.
16 Siks tin dɛn de we Jiova et;Sɛvin tin dɛn de we i* et bad bad wan:
17 Prawd, tɔŋ we de lay, an dɛn we de kil inosɛnt pɔsin,
18 At we de plan wikɛd tin dɛn, ɛn fut we de rɔn kwik kwik wan fɔ go du bad,
19 Witnɛs we de lay ɛnitɛm we i de tɔk,Ɛn ɛnibɔdi we de sɛtfaya brɔda dɛn.
20 Mi pikin, obe yu papa in lɔ,Ɛn nɔ tɔn yu bak pan wetin yu mama de tɛl yu.
21 Rap dɛn rawnd yu at ɔltɛm;Tay dɛn rawnd yu nɛk.
22 We yu de waka, i go lid yu;We yu ledɔm, i go protɛkt yu,Ɛn we yu wek, i go tɔk to yu.*
23 Di kɔmandmɛnt na lamp,Di lɔ na layt.Kɔrɛkshɔn ɛn disiplin de mek pɔsin gɛt layf.
24 Dɛn go protɛkt yu frɔm bad uman,Ɛn di swit tɔk dɛn we bambot* uman de tɔk.
25 Nɔ want am na yu at bikɔs ɔf di we aw i faynƆ alaw am fɔ tek yu atɛnshɔn bikɔs ɔf di we aw in yay dɛn fayn,
26 Raregal de mek man po te na bred nɔmɔ i go ebul fɔ bay,Bɔt ɔda man in wɛf de put layf* we valyu pan denja.
27 Pɔsin go put faya na in chɛst, ɛn in klos nɔ bɔn?
28 Ɔ pɔsin go waka pan fayakol ɛn nɔ bɔn in fut?
29 Na di sem tin go apin to ɛnibɔdi we slip wit in neba in wɛf;Ɛnibɔdi we tɔch am nɔ go go fri.
30 Pipul dɛn nɔ de et tifmanIf i tif fɔ satisfay insɛf we i angri.
31 Bɔt we dɛn kech am, i go pe bak sɛvin tɛm;I go gi ɔl di valyu tin dɛn na in os.
32 Ɛnibɔdi we lɛf in wɛf ɛn go du mami ɛn dadi biznɛs wit ɔda uman nɔ gɛt sɛns;Di pɔsin we de du dat de briŋ trɔbul pan insɛf.
33 Na soso wund i go gɛt; i nɔ go gɛt wan rɛspɛkt,Ɛn in disgres nɔ go kɔmɔt pan am.
34 Jɛlɔs de mek maredman vɛks bad bad wan;I nɔ go sho wan sɔri-at we i de rivɛnj.
35 I nɔ go tek ɛni pe;In at nɔ go kol, ilɛk yu gi am big gift.
Futnot Dɛn
^ Insay Ibru, “If yu dɔn shek strenja in an.”
^ Gezɛl na animal we tan lɛk dia. Rid Baybul Wɔd dɛn Minin.
^ Ɔ “in sol.”
^ Ɔ “i go tɛl yu wetin fɔ du.”
^ Ɔ “sol.”
