Sɔlɔmɔn in Siŋ 3:1-11
3 “We a de na mi bed na nɛt,A bin de luk fɔ di wan we a lɛk.*
A bin de luk fɔ am, bɔt a nɔ si am.
2 A go grap ɛn waka waka na di siti;Na di strit dɛn ɛn na di pɔblik ples* dɛn,A go luk fɔ di wan we a lɛk.*
A bin luk fɔ am, bɔt a nɔ si am.
3 Di wachman dɛn we bin de go rawnd di siti si mi.
Ɛn a aks dɛn se: ‘Una si di wan we a lɛk?’*
4 As a pas dɛn so,Nain a si di wan we a lɛk.*
A ol am, a nɔ lɛf amte a briŋ am kam na mi mama in os,Insay di wan we bɔn mi in rum.
5 E di uman dɛn na Jerusɛlɛm,A tek di gezɛl* dɛn ɛn di uman dia dɛn na bush fɔ beg una mek una swɛ to mi se:
Una nɔ go tray fɔ wek lɔv insay mi te i wek fɔ insɛf.”
6 “Wetin dis we de kam frɔm di wildanɛs* we tan lɛk bɔku bɔku smok,We de smɛl lɛk ma ɛn frankinsɛns,*Ɛn we de smɛl lɛk ɔl di pawda dɛn we gɛt fayn sɛnt we biznɛsman dɛn de sɛl?”
7 “Luk! Na Sɔlɔmɔn in fayn chia.*
Na 60 trɛnkman dɛn pandi trɛnkman dɛn na Izrɛl de rawnd am,
8 Dɛn ɔl gɛt sɔd,Dɛn ɔl tren fɔ fɛt,Dɛn ɔl gɛt dɛn sɔd na dɛn saydFɔ protɛkt am agens di bad tin dɛn we de apin na nɛt.”
9 “Na Sɔlɔmɔn in fayn chia*We i mek fɔ insɛf wit di tik dɛn na Libanɔn.
10 I mek in pila dɛn wit silva,Di chia in bak ɛn an na gold.
In sit na pɔpul wul;Di uman dɛn na Jerusɛlɛm dɛkɔret insay de bikɔs ɔf lɔv.”
11 “E di uman dɛn na Zayɔn,Una go luk Kiŋ Sɔlɔmɔn.I wɛr di mared krawn we in mama mek fɔ amDi de we i mared,Di de we in at gladi.”
Futnot Dɛn
^ Ɔ “we mi sol lɛk.”
^ Rid Baybul Wɔd dɛn Minin.
^ Ɔ “we mi sol lɛk.”
^ Ɔ “we mi sol lɛk.”
^ Ɔ “we mi sol lɛk.”
^ Rid Baybul Wɔd dɛn Minin.
^ I kin min ples we wanwan pipul dɛn ɔ plant de. Rid Baybul Wɔd dɛn Minin.
^ Ma ɛn frankinsɛns na tin dɛn we gɛt fayn sɛnt.
^ Na wan chia we dɛn kin yuz fɔ kɛr pɔsin we impɔtant ɛn dis chia gɛt kɔva we tan lɛk ruf.
^ Na wan chia we dɛn kin yuz fɔ kɛr pɔsin we impɔtant ɛn dis chia gɛt kɔva we tan lɛk ruf.
