Sɔlɔmɔn in Siŋ 4:1-16
4 “Luk! Mi lɔv, yu fayn.
Yu rili fayn.
Yu yay dɛn tan lɛk dɔv yay biɛn yu vel.
Yu ia tan lɛk got dɛnWe de kam dɔŋ di mawntin dɛn na Giliad.
2 Yu tit dɛn tan lɛk ship dɛn we dɛn jɔs shev dɛn iaƐn we dɛn jɔs dɔn was,Dɛn ɔl de bɔn twin dɛn,Ɛn nɔn pan dɛn nɔ lɔs dɛn pikin.
3 Yu lip dɛn tan lɛk brayt rɛd trɛd,Di wɔd dɛn we yu de tɔk de mek pɔsin gladi.
Yu jɔ* dɛn we de biɛn yu velTan lɛk af pomegranet.
4 Yu nɛk tan lɛk Devid in tawaWe dɛn bil wit ston dɛn we de bay roƐn wan tawzin shild dɛn ɛng de,Ɔl di trɛnkman dɛn rawnd shild dɛn.
5 Yu tu bɔbi dɛn tan lɛk tu yɔŋ gezɛl* dɛn,Di twin dɛn we gezɛl bɔn,We de it usay lili* flawa dɛn de.”
6 “Bifo di briz bigin fɔ blo ɛn di shado dɛn lɔs,A go go na di mawntin usay ma deƐn na di il usay frankinsɛns* de.”
7 “Mi lɔv, yu rili fayn,Yu nɔ gɛt wan bɔt.
8 Mi yawo, lɛ wi kɔmɔt na Libanɔn,Lɛ wi kɔmɔt na Libanɔn.
Lɛ wi kɔmɔt ɔp Amena ɛn go dɔŋ,Lɛ wi kɔmɔt ɔp Sini ɛn go dɔŋ, ɔp Amɔn ɛn go dɔŋ,Lɛ wi kɔmɔt na di ples dɛn usay layɔn dɛn de liv,
Na di mawntin dɛn usay liopad dɛn de.
9 Mi sista, mi yawo, yu dɔn kapchɔ mi at,Yu luk mi wantɛm nɔmɔ yu kapchɔ mi at,Wit wan pan yu lɔkɛt dɛn na yu chen yu kapchɔ mi at.
10 Mi sista, mi yawo, di tin dɛn we yu de du fɔ sho se yu lɛk mi rili fayn!
Di tin dɛn we yu de du fɔ sho se yu lɛk mi bɛtɛ pas wayn fa fawe,Ɛn di sɛnt we yu pafyum de pul fayn pas ɛni spays!
11 Mi yawo, yu lip dɛn de drip wit ɔni we de kɔmɔt na ɔnikom,
Ɔni ɛn milk de ɔnda yu tɔŋ,Ɛn di sɛnt we yu klos dɛn gɛt tan lɛk di sɛnt we de na Libanɔn.
12 Mi sista, mi yawo, tan lɛk gadin we lɔk,Na gadin we lɔk, na spriŋ wata* we lɔk.
13 Yu tan lɛk tik dɛn na gadin we dɛn branch* dɛn ful-ɔp wit pomegranet,Wit di bɛst frut dɛn, wit lali,* spayknad* plant dɛn,
14 Spayknad, safrɔn, ken* plant, sinamɔn,Wit ɔlkayn frankinsɛns tik dɛn, ma, alo* dɛn,Wit ɔl di pafyum dɛn we fayn pas ɔl.
15 Yu na spriŋ wata na gadin, wɛl wata we frɛsh,Yu na watasay we de kɔmɔt frɔm Libanɔn.
16 E di briz we de blo frɔm di nɔt, wek;E di briz we de blo frɔm di sawt, kam.
Blo saful wan pan mi gadin.
Lɛ di fayn sɛnt we de de skata.”
“Lɛ di wan we a lɛk kam insay in gadinƐn it di bɛst frut dɛn.”
Futnot Dɛn
^ Ɔ “tɛmpul.”
^ Rid Baybul Wɔd dɛn Minin.
^ Dis na di flawa in nem.
^ Ma ɛn frankinsɛns na tin dɛn we gɛt fayn sɛnt.
^ Ɔ “na wata we de bɔs na grɔn.”
^ Ɔ i kin bi, “bɔdi.”
^ Ɔ “ɛna.“ Na wan plant we gɛt flawa dɛn we gɛt fayn sɛnt ɛn dɛn de pul brawn day frɔm in lif dɛn.
^ Na plant we gɛt fayn sɛnt.
^ Na plant we gɛt fayn sɛnt.
^ Frankinsɛns, ma, ɛn alo na tin dɛn we gɛt fayn sɛnt.
