Sɔlɔmɔn in Siŋ 6:1-13
6 “E uman we fayn pas ɔl ɔda uman dɛn,Usay di wan we yu lɛk dɔn go?
Us pat i go?
Lɛ wi jɔyn yu fɔ fɛn am.”
2 “Di wan we a lɛk dɔn go dɔŋ na in gadin,Na di ip dɛn usay spays plant dɛn de,Fɔ tek kia ɔf in ship dɛn na di gadin dɛn ɛn fɔ pik lili* flawa dɛn.
3 Di wan we a lɛk na mi yon,Ɛn mi na in yon.
I de tek kia ɔf in ship dɛn usay di lili* flawa dɛn de.”
4 “Mi lɔv, yu fayn lɛk Tiza,*Yu fayn lɛk Jerusɛlɛm,Yu wɔndaful lɛk ami dɛn we de rawnd dɛn bana dɛn.
5 Pul yu yay pan mi,Bikɔs dɛn de kapchɔ mi.
Yu ia tan lɛk got dɛnWe de kam dɔŋ na Giliad.
6 Yu tit dɛn tan lɛk ship dɛnWe dɛn jɔs dɔn was,Dɛn ɔl de bɔn twin dɛn,Ɛn nɔn pan dɛn nɔ lɔs dɛn pikin.
7 Yu jɔ* dɛn we de biɛn yu velTan lɛk af pomegranet.
8 A gɛt 60 kwin dɛnƐn 80 ɔda wɛf dɛnƐn di yɔŋuman dɛn, pɔsin nɔ ebul fɔ kɔnt dɛn.
9 Bɔt na wangren wan na mi dɔv,
Di wan we nɔ gɛt wan bɔt.
Di wan we spɛshal to in mama pas ɔl.
Di wan we in mama lɛk pas ɔl.*
Di yɔŋgal dɛn de si am, ɛn tɛl am se i gɛt gladi-at,Kwin dɛn ɛn di ɔda wɛf dɛn de prez am.
10 ‘Udat dis we de shayn lɛk ali mɔnin layt,We fayn lɛk di ful mun,We piɔ lɛk di layt we de kɔmɔt frɔm di san,We wɔndaful lɛk ami dɛn we de rawnd dɛn bana dɛn?’”
11 “A go dɔŋ na di gadin usay tik dɛn de we de bia frutFɔ si di nyu plant dɛn we de na di vali,Fɔ si if di vayn dɔn gro,Fɔ si if di pomegranet tik dɛn dɔn pul flawa.
12 Bifo a kechɔp,Di tin we a* want fɔ duMek a go usay mi impɔtant pipul* dɛn chariɔt de.”
13 “E Shulamayt gal, kam bak, kam bak!
Kam bak, kam bak, so dat wi go luk yu!”“Wetin mek una want fɔ luk di Shulamayt gal?”
“I tan lɛk we tu grup dɛn de dans!”*
Futnot Dɛn
^ Dis na di flawa in nem.
^ Dis na di flawa in nem.
^ Ɔ “Fayn Siti.”
^ Ɔ “tɛmpul.”
^ Insay Ibru, “Di piɔ wan to in mama.”
^ Ɔ “mi sol.”
^ Ɔ “mi pipul dɛn we rɛdi fɔ wok.”
^ Ɔ “lɛk Maaneim dans.”
