Sɔlɔmɔn in Siŋ 7:1-13
7 “E yɔŋgal we gɛt ɔnɔ,Yu fut dɛn fayn insay yu sandal!
Yu fayn lɛg dɛn tan lɛk juɛlri,We pɔsin we sabi wok mek wit in an.
2 Yu nebul na rawnd bol.
Lɛ wayn we dɛn miks de de ɔltɛm.
Yu bɛlɛ na wan ip wit,*We lili* flawa dɛn de rawnd.
3 Yu tu bɔbi dɛn tan lɛk tu yɔŋ gezɛl* dɛn,Di twin dɛn we gezɛl bɔn.
4 Yu nɛk tan lɛk ayvri tawa.
Yu yay dɛn tan lɛk di pul dɛn na Ɛshbɔn,We de nia di get na Batrabim.
Yu nos tan lɛk di tawa na Libanɔn,We tɔn to Damaskɔs.
5 Yu ed fayn lɛk Mawnt Kamɛl,Yu ia tan lɛk pɔpul wul.
Yu lɔng fayn ia dɔn kapchɔ di kiŋ.
6 E di gal we a lɛk, yu rili fayn,Yu rili izi fɔ lɛk,
Yu swit pas ɛnitin!
7 Yu tɔl lɛk pam tik,Ɛn yu bɔbi dɛn tan lɛk tamaro dɛn we bɔnch.
8 A se: ‘A go klem di pam tikƐn tek in branch dɛn we frut de pan.’
Lɛ yu bɔbi dɛn tan lɛk greps dɛn we bɔnch,Ɛn lɛ di briz we de kɔmɔt na yu nos smɛl lɛk apul dɛn.
9 Ɛn lɛ yu mɔt tan lɛk di bɛst wayn.”
“Lɛ i go dɔŋ di wan we a lɛk in trot smut wan,Lɛ i pas saful wan na di wan dɛn we de slip dɛn lip.
10 Mi na di wan we a lɛk in yon,Ɛn na mi i want.
11 E di wan we a lɛk, kam,Lɛ wi go waka na do;Lɛ wi lɔj midul di lali* dɛn.
12 Lɛ wi grap ali ɛn go na di vayn gadin dɛnFɔ si if di vayn dɔn gro,Fɔ si if di flawa dɛn dɔn opin,If di pomegranet dɛn dɔn pul flawa.
Na de a go sho se a lɛk yu.
13 Di mandrek* plant dɛn de pul fayn sɛnt;Wi gɛt ɔlkayn fayn fayn frut dɛn na wi domɔt dɛn.
Di nyu wan dɛn ɛn di ol wan dɛn,E di wan we a lɛk, a dɔn kip fɔ yu.
Futnot Dɛn
^ Wit na tin we pipul dɛn de it.
^ Dis na di flawa in nem.
^ Rid Baybul Wɔd dɛn Minin.
^ Ɔ “ɛna.“ Na wan plant we gɛt flawa dɛn we gɛt fayn sɛnt ɛn dɛn de pul brawn day frɔm in lif dɛn.
^ Uman dɛn bin de it di frut we dis plant de bia bikɔs dɛn tink se i go ɛp dɛn fɔ gɛt bɛlɛ.
