Job 22:1-30
22 Na de Ɛlifaz di Timanayt tɔk se:
2 “Yu tink se mɔtalman gɛt ɛni yus to Gɔd?
Yu tink se ɛnibɔdi we gɛt sɛns go bɛnifit Am?
3 Fɔ se di Ɔlmayti bisin* we yu de du wetin rayt,
Ɔ fɔ se i de gɛt ɛni bɛnifit bikɔs yu de waka tret na in yay?
4 Fɔ se i go pɔnish yuƐn kɛr yu go na kɔt bikɔs yu gɛt rɛspɛkt fɔ am?
5 Nɔto bikɔs yu wikɛd pasmak,Ɛn yu de kɔntinyu fɔ sin?
6 Yu de siz sɔntin as garanti frɔm yu brɔda dɛn fɔ no rizin,Ɛn yu de pul klos pan pipul dɛn ɛn lɛf dɛn nekɛd.
7 Yu nɔ de gi wata fɔ drink to di wan we taya,Ɛn yu nɔ de gi di wan we angri tin fɔ it.
8 Na pawaful man gɛt di landƐn na di wan we pipul dɛn lɛk de de.
9 Bɔt yu bin de drɛb uman dɛn we dɛn man dɛn dɔn day ɛn nɔ gi dɛn natin,Ɛn yu dɔn du bad to pikin dɛn we nɔ gɛt papa.*
10 Na dat mek trap* dɛn de rawnd yuƐn fiaful tin dɛn de mek yu fred;
11 Na dat mek di ples so dak dat yu nɔ de siƐn bɔku bɔku wata dɔn kɔba yu.
12 Yu nɔ tink se Gɔd de ɔp ɔp na ɛvin?
Ɛn luk aw ɔl di sta dɛn de rayt ɔp.
13 Bɔt yu dɔn aks se: ‘Wetin Gɔd rili no?
I go ebul jɔj we di ples rili dak?
14 Klawd dɛn de mek i nɔ de siAs i de waka na di sakul dɛn na ɛvin.’
15 Yu tink se yu go waka na di rod we bin de trade trade,Usay wikɛd pipul dɛn dɔn waka?
16 Yu tink se yu go waka na di rod usay pipul dɛn we dɔn day bifo dɛn tɛm dɔn waka,We wata* dɔn go wit dɛn fawndeshɔn?
17 Dɛn bin de tɛl di tru Gɔd se: ‘Lɛf wi!’
Ɛn ‘Wetin di Ɔlmayti go du to wi?’
18 Bɔt na in na di wan we de ful-ɔp dɛn os dɛn wit gud tin dɛn.
(Dɛn kayn wikɛd tinkin dɛn de, de fa frɔm di we aw a de tink.)
19 Di wan dɛn we de du wetin rayt go si dis ɛn gladi,Ɛn di wan dɛn we inosɛnt go provok dɛn ɛn tɔk se:
20 ‘Dɛn go dɔnawe wit di wan dɛn we de agens wi,Ɛn faya go bɔn ɔl wetin lɛf.’
21 Tray fɔ no Am, ɛn yu go gɛt pis;Dɔn gud tin dɛn go apin to yu.
22 Obe di lɔ we i de gi yu,Ɛn kip di tin dɛn we i de tɛl yu na yu at.
23 If yu kam bak to di Ɔlmayti, bɛtɛ go fala yu bak;
If yu pul di tin dɛn we nɔ rayt frɔm yu tɛnt,
24 If yu trowe yu gold na dɔti,Ɛn yu trowe di gold we kɔmɔt na Ofia na di say usay rɔk dɛn de na di vali,
25 Da tɛm de, di Ɔlmayti go bi yu gold,Ɛn i go bi yu bɛst silva.
26 Da tɛm de, yu go gladi bikɔs ɔf di Ɔlmayti,Ɛn yu go es yu ed to Gɔd.
27 Yu go pre to am, ɛn i go lisin to yu;Ɛn yu go du wetin yu dɔn vaw.
28 Ɛnitin we yu disayd fɔ du go kɔmɔt fayn,Ɛn layt go shayn na di say usay yu de waka.
29 I go disgres yu we yu tɔk lɛk prawd pɔsin,Bɔt i go sev di wan we ɔmbul.
30 I go sev di wan dɛn we inosɛnt;So if yu an dɛn klin, i go mɔs sev yu.”
Futnot Dɛn
^ Ɔ “Fɔ se di Ɔlmayti gladi.”
^ Ɔ “to pikin dɛn we nɔ gɛt mama ɛn papa.”
^ Insay Ibru, “trap dɛn fɔ bɔd.”
^ Insay Ibru, “riva.”
