Job 27:1-23
27 Job kɔntinyu in tɔk,* i se:
2 “As lɔng as Gɔd de alayv, we dɔn mek a nɔ gɛt jɔstis,As lɔng as di Ɔlmayti de alayv, we dɔn mek mi layf bita,
3 As lɔng as a de alayv,Ɛn bloblo de kɔmɔt na mi nos,
4 Mi mɔt nɔ go tɔk tin we nɔ rayt,Ɛn mi tɔŋ nɔ go tɔk lay lay!
5 A nɔ de tink sɛf fɔ tɔk se una de du wetin rayt!
Te a day, a nɔ go lɛf* fɔ waka tret na Gɔd in yay!
6 A go kɔntinyu fɔ du wetin rayt, ɛn a nɔ go ɛva stɔp;Mi at nɔ go kɔndɛm mi as lɔng as a de alayv.
7 Lɛ mi ɛnimi dɛn tan lɛk wikɛd pɔsin,Lɛ di wan dɛn we de du mi bad tan lɛk di wan dɛn we nɔ de du wetin rayt.
8 Us op de fɔ di man we nɔ lɛk Gɔd* we dɛn dɔnawe wit am,We Gɔd tek in layf?
9 Fɔ se Gɔd go yɛri we i de krayWe prɔblɛm mit am?
10 Ɔ fɔ se i go gladi fɔ di Ɔlmayti?
I go pre to Gɔd ɔltɛm?
11 A go tich una bɔt di pawa we Gɔd gɛt;A nɔ go ayd natin bɔt di Ɔlmayti.
12 Luk! If una ɔl dɔn si vishɔn dɛn,Wetin mek una de tɔk ɛmti tɔk dɛn?
13 Na dis Gɔd de gi wikɛd pɔsin,Di prɔpati we pɔsin we de sɔprɛs in kɔmpin de gɛt frɔm di Ɔlmayti.
14 If yu pikin dɛn bɔku, dɛn go kil dɛn wit sɔd,Ɛn di wan dɛn we de kɔmɔt na in famili layn nɔ go gɛt bɛtɛ tin fɔ it.
15 Di wan dɛn we i day lɛf na bad bad sik go kil dɛn,Ɛn dɛn wɛf dɛn we dɛn day lɛf nɔ go kray fɔ dɛn.
16 Pan ɔl we i go gɛda silva lɛk dɔti,Ɛn i kip fayn klos dɛn lɛk kle,
17 Ilɛksɛf i gɛda dɛn,Na di wan we de du wetin rayt go wɛr dɛn,Ɛn di inosɛnt wan dɛn go sheb in silva.
18 Di os we i bil go tan lɛk mɔt flay* in os,Lɛk bafa we wachman we de wach na fam de bil.
19 I go jɛntri we i de go slip bɔt in jɛntri nɔ go las;We i opin in yay, natin nɔ go de.
20 Tin dɛn we de mek i fred go kam pan am lɛk flɔd;Ɛvi briz go kɛr am go na nɛt.
21 Briz we de kɔmɔt na di ist go kɛr am go, ɛn i nɔ go de igen;I go swip am kɔmɔt na in ples.
22 Di briz go blo am ɛn nɔ sɔri fɔ amAs i de tray tranga wan fɔ rɔnawe pan am.
23 I go klap in an pan amƐn wisul pan am frɔm di say usay i de.*
Futnot Dɛn
^ Insay Ibru, “in parebul.”
^ Ɔ “a go kɔntinyu.”
^ Ɔ “de fɔ pɔsin we dɔn tɔn in bak pan Gɔd.”
^ Rid Baybul Wɔd dɛn Minin.
^ Ɔ i kin bi, “Dɛn go klap dɛn an dɛn pan am ɛn wisul pan am frɔm di say usay dɛn de.”
