Job 28:1-28
28 “Say de usay dɛn de dig fɔ fɛn silvaƐn say de usay dɛn fɔ klin gold;
2 Na grɔn dɛn de pul ayɛn,Ɛn dɛn de mɛlt kɔpa frɔm rɔk dɛn;
3 Pɔsin de go wit layt na di say we dak;I de go na di ples we rili dakFɔ fɛn ayɛn* we gɛt valyu.
4 I de dig ol usay dɛn de mayn fa frɔm usay pipul dɛn de,Na ples dɛn usay dɛn dɔn fɔgɛt bɔt, fa frɔm usay pipul dɛn de waka;Sɔm man dɛn dɔn yuz rop fɔ go ɔndagrɔn, ɛn dɛn ɛng pan di rop as dɛn de wok.
5 Tin fɔ it de gro pantap di grɔn;Bɔt ɔnda tan lɛk grɔn we faya dɔn tɔnoba.*
6 Safaya de insay di ston dɛn,Ɛn di dɔst gɛt gold.
7 No big bɔd nɔ no di rod fɔ go de;Di blak kayt bɔd in yay nɔ si am.
8 No wayl animal nɔ waka de;Di yɔŋ layɔn nɔ pas de.
9 Mɔtalman de brok strɔng strɔng ston dɛn wit in an;I de tɔnoba mawntin dɛn frɔm dɛn fawndeshɔn.
10 I de mek say dɛn usay wata fɔ pas na rɔk;In yay de si ɛni valyu tin.
11 I de blɔk usay riva dɛn de kɔmɔtƐn briŋ wetin ayd na layt.
12 Bɔt usay pɔsin go fɛn sɛns,Ɛn usay ɔndastandin de kɔmɔt?
13 Nɔbɔdi nɔ no in valyu,Ɛn dɛn nɔ go fɛn am na di say usay di wan dɛn we de alayv de.
14 Di dip wata dɛn se, ‘I nɔ de insay mi!’
Ɛn di si se, ‘I nɔ de wit mi!’
15 Dɛn nɔ go ebul bay am wit piɔ gold;Dɛn nɔ go ebul chenj am wit silva we dɛn we pan skel.
16 Dɛn nɔ go ebul bay am wit gold we dɛn pul na Ofia,Ɛn dɛn nɔ go ebul bay am wit ɔniks ɛn safaya we gɛt valyu.
17 Dɛn nɔ go kɔmpia gold ɛn glas to am;Dɛn nɔ go chenj kɔntena we gɛt fayn* gold wit am.
18 Yu nɔ go kɔmpia koral* ɛn kristal to am,Bikɔs wan bag sɛns valyu fa fawe pas wan bag pal.*
19 Yu nɔ go kɔmpia am wit di topaz we de kɔmɔt na Kush;*
Yu nɔ go ebul bay am ivin wit piɔ gold.
20 Bɔt usay sɛns de kɔmɔt,Ɛn usay ɔndastandin de kɔmɔt?
21 Dɛn dɔn ayd am pan ɔltin we gɛt layf,Ɛn dɛn dɔn ayd am pan di bɔd dɛn we de flay na di skay.
22 Di ples usay pɔsin de rɔtin ɛn day se,‘Na yɛri nɔmɔ wi yɛri bɔt am.’
23 Gɔd ɔndastand aw fɔ fɛn am;Na in nɔmɔ no usay i de,
24 I de luk ɔlsay na di wɔl,Ɛn i de si ɔltin we de apin na di wɔl.
25 Di tɛm we i gi pawa to di brizƐn mɛzhɔ di wata,
26 Di tɛm we i mek lɔ fɔ di renƐn we i mek say we ɛvi ren ɛn tɛnda go pas,
27 Na da tɛm de i si sɛns ɛn ɛksplen am;I mek am ɛn tɛst am.
28 Ɛn i tɛl mɔtalman se:
‘Luk! Fɔ fred Jiova—dat na sɛns,Ɛn fɔ lɛf fɔ du bad na ɔndastandin.’”
Futnot Dɛn
^ Insay Ibru, “ston.”
^ I go mɔs bi se dis de tɔk bɔt wetin pipul dɛn de du we dɛn de mayn.
^ Ɔ “klin.”
^ Rid Baybul Wɔd dɛn Minin.
^ Dat na, wan valyu tin we tan lɛk ston we kin de insay sɔm si shɛl dɛn.
^ Ɔ “na Itiopia.”
