Job 30:1-31
30 “Pipul dɛn we a big pas de laf mi;Pipul dɛn we a nɔ fɔ dɔn griFɔ lɛ dɛn papa dɛn de togɛda wit mi dɔg dɛnWe de gayd mi ship dɛn.
2 Us bɛnifit dɛn trɛnk bin gɛt to mi?
Dɛn pawa dɔn dɔn.
3 Po ɛn angri dɔn mek dɛn wik;Dɛn de cham cham di dray grɔnWe bin dɔn ɔlrɛdi pwɛl bad bad wan.
4 Dɛn de pik sɔl lif na bush;Na brum plant in rut dɛn de it.
5 Dɛn dɔn drɛb dɛn na di eria usay dɛn de;Pipul dɛn de ala pan dɛn lɛk aw dɛn de ala pan tifman.
6 Dɛn de liv dɔŋ di vali,Insay ol dɛn na grɔn ɛn insay rɔk dɛn.
7 Dɛn de kray na bush,Ɛn dɛn gɛda togɛda usay chukchuk dɛn de.
8 Dɛn dɔn drɛb* dɛn kɔmɔt na di land,Lɛk pikin dɛn we dɛn papa dɛn nɔ gɛt sɛns ɛn dɛn nɔ gɛt nem.
9 Bɔt naw dɛn de provok mi ivin we dɛn de siŋ;A dɔn bi pɔsin we dɛn de laf.
10 Dɛn et mi, ɛn dɛn nɔ de kam nia mi;Dɛn nɔ de fred fɔ pit na mi fes.
11 Dɛn nɔ de fred fɔ du natin bifo miBikɔs Gɔd dɔn mek a wik, ɛn i mek a ɔmbul.
12 Bɔku pipul dɛn kam fɔ atak mi frɔm mi raytan;Dɛn mek a rɔn,Ɛn dɛn put tin dɛn na rod fɔ dɔnawe wit mi.
13 Dɛn pwɛl pwɛl mi rod dɛnƐn mek mi prɔblɛm wɔs;Nɔbɔdi nɔ bin stɔp dɛn.*
14 Dɛn kam lɛk se dɛn pas tru wan big ol na wɔl;Dɛn kam pan ɔl we prɔblɛm de.
15 A de fred pasmak;Mi rɛspɛkt de go lɛk briz,Ɛn di op we a bin gɛt fɔ sev bin lɔs lɛk klawd.
16 Naw mi layf de lɛf mi;Ɛn bɔku prɔblɛm dɛn de mit mi.
17 Pen de chuk mi bon dɛn na nɛt;Di pen nɔ de ɛva stɔp.
18 Mi prɔblɛm dɛn dɔn twis mi klos;Dɛn de chok mi lɛk tayt kɔla.
19 Gɔd dɔn trowe mi na pɔtɔpɔtɔ;A dɔn tɔn to dɔst ɛn ashis.
20 A kray to yu fɔ ɛp, bɔt yu nɔ ansa mi;A tinap, bɔt yu jɔs wach mi.
21 Yu dɔn tɔn pan mi bad bad wan;Yu yuz ɔl di pawa na yu an fɔ atak mi.
22 Yu tot mi ɛn kɛr mi go wit di briz;Dɔn yu mek big big briz jɔs de kɛr mi go.
23 A no se yu go mek a day,Ɛn a go go na di os usay ɔlman we de alayv gɛt fɔ mit-ɔp.
24 Bɔt nɔbɔdi nɔ go dɔnawe wit pɔsin we in at pwɛlWe i de kray fɔ ɛp di tɛm we i gɛt prɔblɛm.
25 A nɔ dɔn kray fɔ di wan dɛn we gɛt prɔblɛm?
Mi at nɔ dɔn pwɛl fɔ di po wan dɛn?
26 Pan ɔl we a bin de op fɔ gud, na bad tin apin;A bin de op fɔ layt, bɔt na daknɛs kam.
27 Mi bɛlɛ nɔ de stɔp fɔ twis;Bɔku prɔblɛm dɛn de mit mi.
28 A de waka mi at pwɛl; san nɔ de kɔmɔt.
A grap usay pipul dɛn de ɛn kray fɔ ɛp.
29 A dɔn tɔn jakal* dɛn brɔdaƐn padi to ɔstrich in galpikin dɛn.
30 Mi skin dɔn blak ɛn de pil pil;Hit* de bɔn mi bon dɛn.
31 Mi ap jɔs de fɔ pwɛlat,Ɛn mi flut de fɔ kray.
Futnot Dɛn
^ Insay Ibru, “bit.”
^ Ɔ i kin bi, “Nɔbɔdi nɔ bin ɛp dɛn.”
^ Na animal we tan lɛk dɔg.
^ Ɔ i kin bi, “Fiva.”
