Job 32:1-22
32 So di tri man dɛn stɔp fɔ tray fɔ tɔk to Job, bikɔs i bin biliv se i de du wetin rayt.*
2 Bɔt Ilayu we na Barakɛl di Bɔzayt in bɔypikin ɛn we kɔmɔt na Ram in famili bin rili vɛks. I vɛks bad bad wan pan Job bikɔs Job bin de tray fɔ pruv se i de du wetin rayt pas Gɔd.
3 I bin vɛks bak bad bad wan pan Job in tri padi dɛn bikɔs dɛn nɔ ebul fɔ tɔk di kɔrɛkt tin, bifo dat dɛn se Gɔd wikɛd.
4 Ilayu bin de wet fɔ ansa Job bikɔs dɛn bin big pas am.
5 We Ilayu si se di tri man dɛn nɔ gɛt natin fɔ se, i vɛks.
6 So Ilayu we na Barakɛl di Bɔzayt in bɔypikin bigin fɔ tɔk. I se:
“A yɔŋƐn una ol.
So a nɔ tɔk bikɔs a rɛspɛkt una,Ɛn a nɔ gɛt maynd fɔ tɛl una wetin a no.
7 A tɛl misɛf se, ‘Lɛ di big wan dɛn tɔk,Ɛn lɛ di wan dɛn we dɔn liv lɔng tɔk sɛns tɔk.’
8 Bɔt na di oli spirit we Gɔd de gi pipul dɛn,Ɛn di Ɔlmayti in bloblo de gi ɔndastandin.
9 Nɔto ej nɔmɔ de mek pɔsin gɛt sɛns,Ɛn nɔto ol pipul dɛn nɔmɔ de ɔndastand wetin rayt.
10 So a de se, ‘Una lisin to mi,Ɛn misɛf go tɛl una wetin a no.’
11 Luk! A dɔn wet fɔ yɛri wetin una go tɔk;A dɔn kɔntinyu fɔ lisin to wetin una tinkAs una de fɛn wetin fɔ tɔk.
12 A bin de tek tɛm pe atɛnshɔn to una,Bɔt nɔn pan una nɔ ebul fɔ pruv se Job rɔng*Ɔ ansa wetin i de se.
13 So una nɔ tɔk se, ‘Wi dɔn gɛt sɛns;Na Gɔd nɔmɔ go pruv se i rɔng, nɔto mɔtalman.’
14 Nɔto to mi i tɔk,So a nɔ go yuz una wɔd dɛn fɔ ansa am.
15 Dɛn man dɛn ya shɔk, dɛn nɔ gɛt ansa dɛn igen;Dɛn nɔ gɛt natin igen fɔ se.
16 A dɔn wet, bɔt dɛn nɔ kɔntinyu fɔ tɔk;Dɛn jɔs tinap de, dɛn nɔ gɛt no ɔda tin fɔ tɔk.
17 So misɛf go ansa;Misɛf go tɔk wetin a no,
18 A gɛt bɔku tin fɔ se;Oli spirit de muv mi fɔ tɔk.
19 A rili rili want fɔ tɔk,A tan lɛk nyu wayn bag we rɛdi fɔ bɔs.
20 Lɛ a tɔk so dat a go fil fayn!
A go opin mi mɔt ɛn tɔk.
21 A nɔ go tek wan pɔsin bɛtɛ pas ɔda pɔsin.A nɔ go yuz swit mɔt fɔ mek ɛni mɔtalman in ed big,
22 Bikɔs a nɔ sabi yuz swit mɔt fɔ mek pɔsin in ed big.If a du dat, di Wan we mek mi go dɔnawe wit mi kwik kwik wan.
