Job 34:1-37
34 So Ilayu kɔntinyu fɔ tɔk se:
2 “Una lisin to mi, una we gɛt sɛns.Una yɛri mi, una we no bɔku tin,
3 Bikɔs di yes de tɛst wɔdJɔs lɛk aw di tɔŋ de tes it.
4 Lɛ wi chɛk fɔ wisɛf wetin rayt;Lɛ wi disayd bitwin wisɛf wetin gud.
5 Bikɔs Job bin dɔn se, ‘Na mi gɛt rayt,Bɔt Gɔd nɔ gi mi mi rayt.
6 A go lay bɔt wetin mi jɔjmɛnt fɔ bi?
Di sɔfa we a de sɔfa nɔ de dɔn pan ɔl we a nɔ sin.’
7 Udat tan lɛk Job,We de bia we dɛn de provok am lɛk se na wata i de drink?
8 I de kip kɔmpin wit pipul dɛn we de du bad tin dɛn,Ɛn i de wit wikɛd pipul dɛn.
9 I dɔn tɔk se, ‘Pɔsin nɔ de bɛnifitWe i de tray fɔ pliz Gɔd.’
10 So una lisin to mi, una we gɛt ɔndastandin:
Wi nɔ fɔ ɛva tink se di tru Gɔd go du wikɛd tin dɛn,Ɔ fɔ se di Ɔlmayti go du di rɔng tin!
11 Bikɔs i go pe pɔsin akɔdin to wetin i duƐn mek i sɔfa fɔ wetin i du.
12 Fɔ tru tru, Gɔd nɔ de du wikɛd tin;Di Ɔlmayti de du tin fia wan.
13 Udat put am in chaj ɔf di wɔl?Udat pik am fɔ de oba di wan ol wɔl?*
14 If i disayd fɔ tɔn in atɛnshɔn* to dɛn,If i gɛda dɛn layf ɛn dɛn bloblo,
15 Ɔl mɔtalman go day togɛda,Ɛn ɔlman go go bak na dɔti.
16 So if yu gɛt ɔndastandin, pe atɛnshɔn to dis;Tek tɛm lisin to wetin a de se.
17 Yu tink se pɔsin we et jɔstis go ebul rul?Ɔ yu go kɔndɛm pawaful pɔsin we de du wetin rayt?
18 Yu go tɛl kiŋ se, ‘Yu nɔ gɛt wan yus,’
Ɔ yu go tɛl di wan dɛn we impɔtant se, ‘Una wikɛd’?
19 Pɔsin de we nɔ de sho se prins dɛn bɛtɛ pas ɔda pipul dɛnƐn we nɔ lɛk jɛntriman pas di po wan,Bikɔs na in mek dɛn ɔl.
20 Dɛn kin day wantɛm wantɛm midul nɛt;Dɛn kin trimbul ɛn day;Dɛn kin pul ivin di pawaful wan dɛn, bɔt nɔto mɔtalman kin du am.
21 Gɔd in yay de pan wetin mɔtalman de du,Ɛn i de si ɔltin.
22 No say nɔ de we dak pasmakUsay di wan dɛn we de du bad go ayd.
23 Gɔd nɔ sɛt ɛni patikyula tɛm yet fɔ ɛni mɔtalmanFɔ tinap bifo am fɔ jɔj am.
24 I de dɔnawe wit di pawaful wan dɛn we i nɔ nid fɔ faynd awt wetin dɛn du,Ɛn i de mek ɔda pipul dɛn tek dɛn ples.
25 I no wetin dɛn de du,I de ovatro dɛn na nɛt ɛn dɔnawe wit dɛn.
26 I de pɔnish dɛn fɔ dɛn wikɛdnɛsNa di say usay ɔlman de si,
27 Bikɔs dɛn dɔn tɔn dɛn bak pan am,Ɛn dɛn nɔ gɛt wan rɛspɛkt fɔ ɛnitin we i de du.
28 Dɛn de mek di po wan de kray to am,So dat i go yɛri di wan we nɔ gɛt pɔsin fɔ ɛp am in kray.
29 We Gɔd sɛt in mɔt, udat go kɔndɛm am?
We i ayd in fes, udat go si am?
Ilɛk na to wan ol neshɔn ɔ to wan pɔsin, na di sem tin go apin.
30 So dat pɔsin we nɔ lɛk Gɔd* nɔ go rulƆ sɛt trap dɛn fɔ di pipul dɛn.
31 Fɔ se ɛnibɔdi go tɛl Gɔd se,‘Dɛn dɔn pɔnish mi, pan ɔl we a nɔ du bad tin?
32 Sho mi wetin a nɔ si;If a dɔn du ɛnitin bad, a nɔ go du am igen.’
33 Fɔ se i go pe yu aw yu want we yu nɔ du wetin i dɔn disayd?
Na yu fɔ disayd, nɔto mi.
So tɛl mi wetin yu rili sabi.
34 Pipul dɛn we gɛt ɔndastandin go tɛl mi se—Ɛnibɔdi we gɛt sɛns we de yɛri mi go se—
35 ‘Job de tɔk we i nɔ no ɔltin,In wɔd dɛn de sho se i nɔ gɛt sɛns.’
36 Lɛ dɛn tɛst Job* gud gud wanBikɔs i de ansa lɛk aw wikɛd pipul dɛn de ansa!
37 I de ad trangayes pan in sin,I de klap pan wi da fityay we,Ɛn i de kɔntinyu fɔ tɔk mɔ ɛn mɔ agens di tru Gɔd!”
Futnot Dɛn
^ Ɔ “di wɔl usay pipul dɛn de.”
^ Insay Ibru, “in at.”
^ Ɔ “pɔsin we dɔn tɔn in bak pan Gɔd.”
^ Ɔ i kin bi, “Mi papa, lɛ dɛn tɛst Job.”
