Mayka 2:1-13
2 “I go bad fɔ di wan dɛn we de plan fɔ du wikɛd tin,We de plan bad tin we dɛn ledɔm na dɛn bed!
We doklin dɛn du am,Bikɔs dɛn gɛt di pawa fɔ du am.
2 Dɛn de milɛ ɔda pipul dɛn fam dɛn ɛn tek dɛn na dɛn an;Dɛn de milɛ dɛn os dɛn ɛn pul dɛn na dɛn an;Dɛn de kruk pɔsin fɔ pul in os na in anƐn fɔ pul in prɔpati na in an.
3 Na dis Jiova se:
‘A de plan fɔ briŋ trɔbul pan una ɛn una nɔ go ɛskep.
Una nɔ go waka prawd wan igen bikɔs trɔbul de.
4 Da de de, pipul dɛn go pul parebul pan una,Ɛn dɛn go kray bita wan ɛn tɔk bɔt una.
Dɛn go se: “Wi yon dɔn dɔn!
I tek di tin dɛn we wi pipul dɛn gɛt ɛn gi ɔda pipul dɛn—i pul am na wi an!
I gi wi fam dɛn to di wan dɛn we nɔ fetful.”
5 So nɔbɔdi nɔ go de we go mɛzhɔ wit rop,Ɔ sheb land na Jiova in kɔngrigeshɔn.
6 Dɛn bin de se: “Una lɛf fɔ prich!Dɛn nɔ fɔ prich bɔt dɛn tin ya;Disgres nɔ go mit wi!”
7 E Jekɔp in pikin dɛn, dɛn se:
“Fɔ se Jiova in spirit nɔ gɛt peshɛnt?
Na dɛn tin ya i kin du?”
Fɔ se di wɔd dɛn we a de tɔk nɔ de mek gud tin apin to di wan dɛn we de du wetin rayt?
8 Bɔt dis biɛn tɛm, mi yon pipul dɛn dɔn tɔn ɛnimi.
Una de pul di fayn fayn dɛkɔreshɔn wit* di klosPan di wan dɛn we de pas wit kɔnfidɛns, lɛk udat dɛn kɔmɔt fɛt wɔ.
Una de du dis opin wan.
9 Una dɔn drɛb mi pipul dɛn uman dɛn frɔm dɛn fayn fayn os dɛn;Una dɔn tek ɔl di gud tin dɛn we a blɛs dɛn pikin dɛn wit, ɛn una nɔ gi dɛn igen.
10 Una grap ɛn go, dis ples nɔto say fɔ blo.
Bikɔs i nɔ klin, dɛn go dɔnawe wit am,
Ɛn di we aw dɛn go dɔnawe wit am go bad.
11 If pɔsin de du tin dɛn we nɔ gɛt wan valyu
Ɛn de ful pipul dɛn ɛn de lay se: “A go prich to yu bɔt wayn ɛn rɔm,”
I go bi di rayt pricha fɔ dɛn pipul ya!
12 E Jekɔp in pikin dɛn, a go mɔs gɛda una ɔl,A go mɔs gɛda di balans wan dɛn na Izrɛl togɛda.
A go gɛda dɛn as wan, lɛk ship dɛn we de insay fɛns,Lɛk ship dɛn we de usay dɛn de tek kia ɔf dɛn;Pipul dɛn go de mek nɔys na di ples.’
13 Di wan we de mek say fɔ pas go go bifo dɛn;Dɛn go mek di say big mɔ ɛn pas na di get.
Dɛn kiŋ go pas bifo dɛn,Ɛn Jiova go lid dɛn.”
Futnot Dɛn
^ Ɔ i kin bi, “pan.”
