Osia 10:1-15
10 “Izrɛl tan lɛk vayn we nɔ de du wɛl* we de bia frut.
Di mɔ we in frut dɛn de bɔku, na di mɔ i de mek in ɔlta dɛn bɔku;Di mɔ in land de bia, na di mɔ in oli pila dɛn de fayn.
2 Dɛn na ipokrit;*Naw dɛn go gilti.
Sɔmbɔdi de we go brok brok dɛn ɔlta dɛn ɛn dɔnawe wit dɛn pila dɛn.
3 Naw dɛn go se, ‘Wi nɔ gɛt kiŋ, bikɔs wi nɔ fred Jiova.
Wetin kiŋ go du fɔ wi?’
4 Dɛn de tɔk ɛmti wɔd dɛn, swɛ lay lay swɛ dɛn, ɛn mek agrimɛnt dɛn.So di jɔjmɛnt we go kam pan dɛn tan lɛk gras we gɛt pɔyzin we de gro midul ip dɛn na fam.
5 Di pipul dɛn na Sameria go fred fɔ di kaw aydɔl we de na Bɛt-evɛn.
In pipul dɛn go kray fɔ am,Di prist dɛn fɔ ɔda gɔd dɛn we bin de gladi fɔ am ɛn fɔ in glori, dɛnsɛf go kray,Bikɔs dɛn go pul am na dɛn an ɛn go wit am na ɔda land.
6 Dɛn go go wit am na Asiria as gift fɔ wan gret kiŋ.
Ifrem go shem,Ɛn Izrɛl go shem bikɔs ɔf di advays we i fala.
7 Dɛn go dɔnawe wit Sameria ɛn in kiŋ,Jɔs lɛk smɔl stik we dɛn brok we de flot na wata.
8 Dɛn go dɔnawe wit di ay ples dɛn na Bɛt-evɛn we mek Izrɛl sin.
Chukchuk bush ɛn chukchuk flawa dɛn go gro na dɛn ɔlta dɛn.
Pipul dɛn go tɛl di mawntin dɛn se, ‘Kɔba wi!’
Dɛn go tɛl di il dɛn se, ‘Fɔdɔm pan wi!’
9 E Izrɛl, una dɔn sin frɔm wetin bin apin na Gibia.
Una kɔntinyu fɔ du di sem tin.
Di wɔ agens di wan dɛn we nɔ bin de du wetin rayt na Gibia
Nɔ dɔnawe wit una kpatakpata.
10 A go kɔrɛkt una we a rɛdi.
Ɛn pipul dɛn go gɛda agens una,Di tɛm we una tu sin dɛn go tay pan una.
11 Ifrem bin tan lɛk yɔŋ kaw* we dɛn tren we lɛk fɔ pul sid pan plant.A nɔ bin put yok* na in nɛk fɔ wok.
Naw, a go mek sɔmbɔdi rayd* Ifrem.
Juda go dig ɛn Jekɔp go lɛvul di grɔn fɔ am.
12 Plant wetin rayt, avɛst lɔv we nɔ de chenj.
We tɛm stil de fɔ fɛn Jiova,Dig dig na land we dɛn nɔ plant pan yetSote i kam ɛn tich una wetin rayt.
13 Bɔt una dɔn plant wikɛdnɛs,Una dɔn avɛst tin we nɔ rayt,Ɛn una dɔn gɛt di pe fɔ we una nɔ ɔnɛs;Una dɔn abop pan unasɛfƐn una bɔku bɔku fɛtman dɛn.
14 Dɛn go ib kɔnfyushɔn pan yu pipul dɛn,Ɛn dɔnawe wit ɔl yu strɔng siti dɛn,Jɔs lɛk aw Shalman bin dɔnawe wit Bɛt-abɛl,Di tɛm we dɛn bin de bit mama dɛn ɛn dɛn pikin dɛn te dɛn day.
15 E Bɛtɛl, dis na wetin dɛn go du to yu bikɔs yu wikɛdnɛs dɔn pasmak.
Dɛn go mɔs dɔnawe wit di kiŋ na Izrɛl* ali mɔnin.”
Futnot Dɛn
^ Ɔ i kin bi, “we de prɛd.”
^ Ɔ “Dɛn at dɔn ipokrit.”
^ Dat na, kaw we nɔ bɔn pikin yet.
^ Rid Baybul Wɔd dɛn Minin.
^ Ɔ “tay rop pan.”
^ Insay Ibru, “mek i sɛt mɔt.”
