Osia 12:1-14
12 “Ifrem de it briz.
Ol de i de rɔnafta di briz we de kɔmɔt na di ist.
I de ad pan in lay lay ɛn fɛt-fɛt.
I mek agrimɛnt wit Asiria ɛn kɛr ɔyl go na Ijipt.
2 Jiova gɛt kes agens Juda;I go mek Jekɔp pe fɔ ɔl wetin i du,Ɛn i go pɔnish am akɔdin to wetin i du.
3 I ol in brɔda in fut we dɛn bin de na dɛn mama in bɛlɛ.Ɛn wit ɔl in trɛnk, i fɛt wit Gɔd.
4 I kɔntinyu fɔ fɛt wit enjɛl, ɛn i win.
I kray ɛn beg am fɔ mek i blɛs am.”
Gɔd si am na Bɛtɛl ɛn tɔk wit wi de.
5 Jiova di Gɔd we gɛt bɔku bɔku sojaman dɛn,Jiova na di nem we dɛn fɔ mɛmba am wit.
6 “So kam bak to yu Gɔd,Kɔntinyu fɔ sho lɔv we nɔ de chenj ɛn jɔstis,Ɛn abop ɔltɛm pan yu Gɔd.
7 Bɔt biznɛsman gɛt skel dɛn na in an we i dɔn ajɔst;I lɛk fɔ rog.
8 Ifrem kɔntinyu fɔ tɔk se, ‘Fɔ tru, a dɔn jɛntri;A dɔn gɛt jɛntri.
Pan ɔl di wok we a dɔn wok tranga wan,
Dɛn nɔ go si ɛnitin we rɔng ɔ we na sin.’
9 Bɔt mi na Jiova yu Gɔd frɔm di tɛm we yu de Ijipt.
A go mek yu de na tɛnt dɛn bakJɔs lɛk di tɛm* we a pik.
10 A tɔk to di prɔfɛt dɛn,A ad pan dɛn vishɔn dɛn,Ɛn a yuz di prɔfɛt dɛn fɔ tɔk parebul dɛn.
11 Kruk* ɛn lay lay dɔn de na Giliad.
Dɛn dɔn sakrifays man kaw dɛn na Gilgal,Ɛn dɛn ɔlta dɛn tan lɛk ston dɛn we payl na spes dɛn we de midul ip dɛn.
12 Jekɔp rɔnawe go na Eram;*Izrɛl wok de fɔ gɛt wɛf,Ɛn i protɛkt ship dɛn fɔ gɛt wɛf.
13 Jiova yuz prɔfɛt fɔ pul Izrɛl kɔmɔt na Ijipt,Ɛn i yuz prɔfɛt fɔ protɛkt am.
14 Ifrem dɔn kɔmit siriɔs sin;Di pipul dɛn we i kil dɛn blɔd go de na in ed;In Masta go pɔnish am fɔ in sin.”
