Osia 13:1-16
13 “We Ifrem tɔk, pipul dɛn bin de trimbul;I bin impɔtant na Izrɛl.
Bɔt i gilti bikɔs ɔf Beal, ɛn i day.
2 Naw dɛn de ad pan dɛn sin dɛn,Ɛn dɛn de yuz silva fɔ mek statyu* dɛn;Pipul dɛn we sabi wok wit dɛn an mek aydɔl dɛn.
Dɛn tɔk to dɛn se, ‘Lɛ di man dɛn we de mek sakrifays kis di yɔŋ kaw dɛn.’
3 So dɛn go tan lɛk klawd we de kɔmɔt na mɔnin,Lɛk dyu we de lɔs kwik kwik wan,Lɛk chafchaf we big big briz de blo kɔmɔt na say usay dɛn de pul sid pan plant,Ɛn lɛk smok we de kɔmɔt na ol we de na ruf.
4 Bɔt mi na Jiova yu Gɔd frɔm di tɛm we yu bin de na Ijipt;Yu nɔ bin sabi no ɔda Gɔd pas mi,Ɛn apat frɔm mi, no ɔda seviɔ nɔ de.
5 A bin no yu na di wildanɛs,* na di land usay wata nɔ de.
6 Dɛn bin satisfay bikɔs dɛn bin gɛt plɛnti tin fɔ it,Dɛn bin satisfay ɛn dɛn prawd
Ɛn dat mek dɛn fɔgɛt mi.
7 A go tan lɛk yɔŋ layɔn to dɛn,Lɛk liopad we de ayd na rod.
8 A go kam pan dɛn lɛk bia we dɛn dɔn pul in pikin dɛn na in an,Ɛn a go opin dɛn chɛst.*
A go cham cham dɛn de lɛk layɔn;Wayl animal go chɛr chɛr dɛn.
9 E Izrɛl, i go dɔnawe wit yu,Bikɔs yu tɔn agens mi, mi we de ɛp yu.
10 Naw, we yu kiŋ, so dat i go sev yu na ɔl yu siti dɛn,Ɛn yu rula* dɛn we yu tɔk bɔt se,‘Gi mi kiŋ ɛn prins dɛn’?
11 A gi yu kiŋ we a bin vɛks,Ɛn a go tek am bak we mi at wam.
12 Dɛn dɔn rap rap Ifrem in mistek dɛn;Dɛn dɔn kip in sin dɛn.
13 Lebɔ pen go kam pan am.
Bɔt in na pikin we nɔ gɛt sɛns;I nɔ de kɔmɔt di tɛm we dɛn fɔ bɔn am.
14 A go pul dɛn kɔmɔt na di Grev;*A go sev dɛn kɔmɔt frɔm day.
E day, we yu pawa we de mek pipul dɛn sɔfa?
Grev, we di pawa we yu gɛt fɔ pwɛl?
A nɔ go sɔri fɔ yu.
15 Ilɛksɛf i gro bɔku bɔku wan midul di gras dɛn,Jiova in briz go kɔmɔt na di ist,I go kɔmɔt na di dɛzat, fɔ dray in wɛl ɛn dren in spriŋ.*
I go tif ɔl in valyu tin dɛn we i dɔn kip.
16 Sameria go gilti bikɔs i dɔn tɔn in bak pan in Gɔd.
Dɛn go kil dɛn wit sɔd,Dɛn go nyamanyama dɛn pikin dɛn,Ɛn opin dɛn bɛlɛ-uman dɛn bɛlɛ dɛn.”
Futnot Dɛn
^ Ɔ “mɛtal imej.”
^ Rid Baybul Wɔd dɛn Minin.
^ Insay Ibru, “usay dɛn at de.”
^ Insay Ibru, “jɔj.”
^ Ɔ “Shiol.” Dis tinap fɔ di ples usay dayman dɛn de. Dis nɔto tru tru ples. Rid Baybul Wɔd dɛn Minin.
^ Ɔ “wata we bɔs na grɔn.”
