Osia 14:1-9
14 “E Izrɛl, kam bak to Jiova yu Gɔd.Yu dɔn fɔdɔm bikɔs ɔf yu sin.
2 Kam bak to Jiova wit dɛn wɔd dɛn ya.Tɛl am se, ‘Duya fɔgiv wi sin dɛn ɛn gri fɔ tek wetin gud,Ɛn wi go prez yu wit wi mɔt jɔs lɛk aw wi kin prez yu wit yɔŋ kaw dɛn.*
3 Asiria nɔ go sev wi.
Wi nɔ go rayd ɔs dɛn,Ɛn wi nɔ go tɔk igen to di tin dɛn we wi mek wit wi an se, “E wi Gɔd!”Bikɔs na yu de sho sɔri-at to pikin we nɔ gɛt papa.’
4 A go mek dɛn fetful.
Na misɛf sɛf go gri fɔ lɛk dɛn,Bikɔs mi at nɔ wam pan dɛn igen.
5 A go tan lɛk dyu to Izrɛl;I go frɛsh lɛk flawa,Ɛn a go mek in rut dɛn go dɔŋ dɔŋ lɛk di stik dɛn na Libanɔn.
6 In yɔŋ branch dɛn go prɛd,I go fayn lɛk ɔliv stik,Ɛn in swit smɛl go tan lɛk Libanɔn.
7 Mi pipul dɛn go de bak ɔnda mi shado.
Dɛn go gro sid ɛn pul flawa lɛk vayn.
A go femɔs* lɛk di wayn na Libanɔn.
8 Ifrem go se, ‘Wetin igen a go du wit aydɔl dɛn?’
A go ansa ɛn wach oba am.
A go tan lɛk junipa stik we de du wɛl.
Na pan mi yu frut dɛn go de.”
9 Udat gɛt sɛns? Lɛ i ɔndastand dɛn tin ya.
Udat de si fa? Lɛ i no dɛn.
Jiova de du tin tret wan,Ɛn di wan we de du wetin rayt go fala dɛn tin dɛn de;Bɔt di wan dɛn we de sin go fɔdɔm bikɔs ɔf dɛn.
