Osia 3:1-5
3 Dɔn Jiova tɛl mi se: “Go bak, lɛk di uman we ɔda man lɛk ɛn we de lɛf in man ɛn go du mami ɛn dadi biznɛs wit ɔda man, jɔs lɛk aw Jiova lɛk di pipul dɛn na Izrɛl pan ɔl we dɛn de wɔship ɔda gɔd dɛn, ɛn dɛn lɛk rezin kek dɛn.”*
2 So a bay di uman fɔ 15 silva mɔni ɛn wan ɛn af oma* bali.
3 Dɔn a tɛl am se: “Yu go de wit mi fɔ lɔng tɛm. Yu nɔ fɔ liv rare layf,* ɛn yu nɔ fɔ ledɔm wit ɔda man, ɛn misɛf go du di sem tin to yu.”*
4 Dat na, bikɔs fɔ lɔng tɛm di pipul dɛn na Izrɛl nɔ go gɛt kiŋ, dɛn nɔ go gɛt prins, dɛn nɔ go mek sakrifays, dɛn nɔ go gɛt pila, dɛn nɔ go gɛt ɛfɔd ɛn tɛrafim statyu dɛn.*
5 Afta dat, di pipul dɛn na Izrɛl go kam bak ɛn luk fɔ Jiova dɛn Gɔd ɛn fɔ Devid dɛn kiŋ. Dɔn insay di las dez, dɛn go kam to Jiova bikɔs dɛn de fred am ɛn bikɔs ɔf in gudnɛs.
Futnot Dɛn
^ Dis na dray greps dɛn we dɛn bin de prɛs togɛda, ɛn i fiba kek, ɛn dɛn bin de yuz am pan lay lay wɔship.
^ Wan oma ikwal to 220 lita (200 dray kwat). Luk Apɛndiks B14.
^ Ɔ “du mami ɛn dadi biznɛs di we aw Gɔd nɔ want.” Rid Baybul Wɔd dɛn Minin.
^ Ɔ “a nɔ go ledɔm wit yu.”
^ Ɔ “gɔd dɛn we dɛn de gɛt na os; aydɔl dɛn.”
