Osia 5:1-15
-
Jɔjmɛnt pan Ifrem ɛn Juda (1-15)
5 Gɔd se: “Una dɛn prist dɛn, una yɛri dis,E pipul dɛn na Izrɛl, una pe atɛnshɔn,E di kiŋ in famili, una lisin,Di jɔjmɛnt gɛt fɔ du wit una;Bikɔs una na trap to MizpaƐn nɛt we prɛd oba Tebɔ.
2 Di wan dɛn we de tɔn dɛn bak pan mi, dɔn kil,Ɛn dɛn an de pan am tigi tigi wan,
Ɛn a de wɔn* dɛn ɔl.
3 A no Ifrem,Ɛn Izrɛl nɔ de ayd pan mi.
E Ifrem, yu dɔn liv fri layf;*Izrɛl dɔn dɔti insɛf.
4 Di tin we dɛn de du nɔ alaw dɛn fɔ tɔn bak to dɛn Gɔd,Bikɔs dɛn want fɔ liv rare layf;*Dɛn nɔ gri se mi, Jiova, na dɛn Gɔd.
5 Di prawd we Izrɛl prawd dɔn gi witnɛs agens am;*Izrɛl ɛn Ifrem dɔn fɔdɔm bikɔs ɔf dɛn sin,Ɛn Juda dɔn fɔdɔm wit dɛn.
6 Dɛn bin go luk fɔ Jiova wit dɛn ship dɛn ɛn dɛn kaw dɛn,Bɔt dɛn nɔ si am.
I dɔn go fa frɔm dɛn.
7 Dɛn dɔn kɔmɔt biɛn Jiova,Dɛn dɔn bɔn pikin dɛn wit uman dɛn we na fɔrina dɛn.
Naw dɛn go dɔnawe wit dɛn ɛn dɛn prɔpati dɛn* insay wan mɔnt.
8 Blo ɔn na Gibia, blo trɔmpɛt na Rema!
Ala na Bɛt-evɛn lɛk we dɛn de fɛt wɔ; E Bɛnjamin, wi de biɛn yu!
9 E Ifrem, pipul dɛn go fred we dɛn si wetin go apin to yu di de fɔ yu pɔnishmɛnt.
A dɔn sho wetin go mɔs apin to di trayb dɛn na Izrɛl.
10 Di prins dɛn na Juda tan lɛk di wan dɛn we de push bawndri.
A go tɔn mi vɛksteshɔn pan dɛn lɛk wata.
11 Dɛn dɔn sɔprɛs Ifrem, ɛn i fit we dɛn dɔn dɔnawe wit am,Bikɔs i bin mek-ɔp in maynd fɔ jɔyn an wit in ɛnimi dɛn.
12 So a bin tan lɛk mɔt flay* to Ifrem,Ɛn a bin mek Juda rɔtin.
13 We Ifrem si di we aw i sik, ɛn Juda si in sofut,Ifrem go na Asiria ɛn sɛn to wan gret kiŋ.
Bɔt i nɔ bin ebul fɔ mɛn yu,Ɛn i nɔ bin ebul fɔ mɛn yu sofut.
14 A go bi lɛk yɔŋ layɔn to Ifrem,Ɛn lɛk strɔng layɔn to Juda.
A go chɛr chɛr dɛn ɛn go wit dɛn;Nɔbɔdi nɔ go de fɔ sev dɛn.
15 A go kɔmɔt de ɛn go bak na mi ples te dɛn sɔfa fɔ wetin dɛn du,Ɛn dɛn go fɛn we fɔ lɛ a sɔri fɔ dɛn.*
We dɛn gɛt prɔblɛm, dɛn go luk fɔ mi.”
Futnot Dɛn
^ Ɔ “a go kɔrɛkt.”
^ Ɔ “dɔn du mami ɛn dadi biznɛs di we aw Gɔd nɔ want; dɔn liv rare layf.”
^ Rid Baybul Wɔd dɛn Minin.
^ Insay Ibru, “na in fes.”
^ Ɔ “land dɛn.”
^ Rid Baybul Wɔd dɛn Minin.
^ Insay Ibru, “fɔ luk fɔ mi fes.”
