Osia 6:1-11
6 I* se: “Una kam ɛn lɛ wi tɔn bak to Jiova,I dɔn chɛr chɛr wi, bɔt i go mɛn wi.
I dɔn wap wi, bɔt i go bandej wi wund dɛn.
2 I go mek wi gɛt trɛnk bak afta tu dez.
I go es wi ɔp di tɔd de,Ɛn wi go kɔntinyu fɔ de bifo am.
3 Wi go no Jiova, wi go rili tray fɔ no am.
I go mɔs kam to wi lɛk we san de kɔmɔt na mɔnin,I go kam to wi lɛk we ren de kam,Lɛk ren* we de sok di grɔn.”
4 “Wetin a fɔ du wit yu, Ifrem?
Wetin a fɔ du wit yu, Juda?
Bikɔs yu lɔv we nɔ de chenj tan lɛk klawd we kin de na mɔnin,Lɛk dyu we de lɔs kwik kwik wan.
5 Na dat mek a go yuz di prɔfɛt dɛn fɔ dɔnawe wit dɛn;A go kil dɛn wit di wɔd dɛn we de kɔmɔt na mi mɔt.
Dɛn jɔjmɛnt go shayn lɛk layt.
6 A kin gladi we una de sho lɔv we nɔ de chenj,* nɔto we una de mek sakrifays dɛn,Ɛn a kin gladi we una no mi pas we una de bɔn wan ol animal as ɔfrin.
7 Bɔt mi pipul dɛn dɔn pwɛl di agrimɛnt jɔs lɛk ɛni mɔtalman.
Na de dɛn dɔn kɔmɔt biɛn mi.
8 Giliad na tɔŋ we ful-ɔp wit wikɛd pipul dɛn,Na soso kil kil dɛn de pan.
9 Di prist dɛn tan lɛk tifman dɛn we de le ambush fɔ pɔsin.
Dɛn de kil na di rod fɔ go Shikɛm,Bikɔs dɛn de du shemful tin dɛn.
10 A dɔn si bad bad tin de apin na Izrɛl.
Na de Ifrem de liv rare layf;*Izrɛl dɔn dɔti insɛf.
11 E pipul dɛn na Juda, dɛn dɔn sɛt tɛm. Jɔs lɛk di tɛm we dɛn de avɛst, dɛn go gɛda una;A go gɛda mi pipul dɛn we dɛn bin dɔn kapchɔ.”
Futnot Dɛn
^ Ɔ i kin bi, “Di pipul dɛn na Izrɛl.”
^ Dat na, let ren we bin de kam insay Epril.
^ Ɔ “sɔri-at.”
^ Rid Baybul Wɔd dɛn Minin.
