Osia 8:1-14
8 “Blo ɔn!
Pɔsin kam agens Jiova in pipul dɛn lɛk igul,Bikɔs dɛn nɔ kip mi agrimɛnt, ɛn dɛn dɔn pwɛl mi lɔ.
2 Dɛn kray to mi se, ‘Wi Gɔd, wi Izrɛl, wi sabi yu!’
3 Izrɛl dɔn tɔn in bak pan wetin gud.
Lɛ in ɛnimi rɔnafta am.
4 Dɛn pik kiŋ dɛn, we dɛn nɔ tɛl mi.
Dɛn pik prins dɛn we a nɔ gri wit.
Dɛn yuz dɛn silva ɛn dɛn gold fɔ mek aydɔl dɛn,Ɛn dis go mek dɛn dɔnawe wit dɛn.
5 E Sameria, a nɔ lɛk una kaw aydɔl dɛn we una de wɔship.
A vɛks pan dɛn bad bad wan.
Aw lɔng i go tek fɔ lɛ una klin bak?
6 Na Izrɛl dis kɔmɔt.
Na pɔsin we sabi wok wit in an mek am, bɔt in nɔto Gɔd;Di kaw aydɔl na Sameria go tɔn chafchaf.
7 Dɛn de du bad tin dɛn we tan lɛk se dɛn de plant briz,So dɛn go mɔs avɛst wetin bad we tan lɛk big big briz.
Di wit* nɔ go bia;Dɛn nɔ go ebul fɔ avɛst ɛnitin we gro.
Ivin if ɛni wit* bia, na fɔrina* dɛn go it am.
8 Dɛn go swɛla Izrɛl.
Naw dɛn go de amɔng di neshɔn dɛn,Lɛk kɔntena we pɔsin nɔ want.
9 Dɛn dɔn go na Asiria lɛk wayl dɔnki we de go in yon we.
Ifrem dɔn go to raregal dɛn.
10 Pan ɔl we dɛn aya dɛn frɔm di neshɔn dɛn,A go gɛda dɛn;Dɛn go bigin fɔ sɔfa bikɔs ɔf di lod we di kiŋ ɛn di prins dɛn put pan dɛn.
11 Ifrem dɔn ad pan in ɔlta dɛn.
Dɛn de yuz di ɔlta dɛn fɔ sin.
12 A rayt fɔ am bɔku tin dɛn bɔt mi lɔ,*Bɔt dɛn si am as sɔntin we strenj.
13 Dɛn de mek sakrifays dɛn to mi, ɛn it di bif,Bɔt mi, Jiova, nɔ de gladi fɔ dɛn.
Naw a go mɛmba dɛn sin dɛn ɛn pɔnish dɛn fɔ dat.
Dɛn dɔn tɔn bak* to Ijipt.
14 Izrɛl dɔn fɔgɛt di Wan we mek am ɛn dɔn bil tɛmpul dɛn,Ɛn Juda dɔn ad pan in strɔng siti dɛn.
Bɔt a go sɛn faya insay in siti dɛn,Ɛn i go bɔn di tawa dɛn we de de.”
Futnot Dɛn
^ Wit na tin we pipul dɛn de it.
^ Wit na tin we pipul dɛn de it.
^ Ɔ “strenja.”
^ Ɔ “di tin dɛn we a tich am.”
^ Ɔ i kin bi, “Dɛn go tɔn bak.”
