Osia 9:1-17
9 “E Izrɛl, nɔ gladi,Nɔ mek gladi gladi lɛk di pipul dɛn.
Bikɔs na rare layf* dɔn mek yu dɔn kɔmɔt biɛn yu Gɔd.
Yu dɔn lɛk di pe fɔ rare layf* na ɔl di say dɛn we dɛn de pul sid pan plant.
2 Bɔt di say we dɛn de pul sid pan plantƐn di say usay dɛn de mek wayn nɔ go fid dɛn,
Ɛn dɛn nɔ go gɛt nyu wayn.
3 Dɛn nɔ go kɔntinyu fɔ de na Jiova in land;Bifo dat, Ifrem go go bak na Ijipt,Ɛn dɛn go it wetin nɔ klin na Asiria.
4 Dɛn nɔ go tɔn wayn igen as sakrifays to Jiova;Dɛn sakrifays dɛn nɔ go mek i gladi.
Dɛn tan lɛk bred we pipul dɛn de it we pɔsin day;Ɔl di wan dɛn we de it am go dɔti dɛnsɛf.
Dɛn bred na fɔ dɛnsɛf nɔmɔ;*Dɛn nɔ go kam wit am na Jiova in os.
5 Wetin una go du di tɛm we una go kam togɛda?Wetin una go du di tɛm we una go sɛlibret Jiova in fɛstival?
6 Luk! Dɛn go rɔnawe bikɔs dɛn ɛnimi go kam fɔ dɔnawe wit dɛn.
Ijipt go gɛda dɛn togɛda, ɛn Mɛmfis go bɛr dɛn.
Chukchuk go kɔba dɛn valyu tin dɛn we dɛn mek wit silva,Ɛn chukchuk bush go gro na dɛn tɛnt dɛn.
7 Di tɛm we a go rɛdi fɔ una go kam,Di tɛm we una go pe fɔ una sin dɛn go kam,Ɛn Izrɛl go no.
Dɛn prɔfɛt dɛn go tɔn fulman, ɛn di man we de tɔk wetin Gɔd se go kres;A et yu mɔ ɛn mɔ, bikɔs yu sin dɛn dɔn bɔku.”
8 Ifrem in wachman bin de wit mi Gɔd.
Bɔt naw, ɔl wetin di prɔfɛt dɛn de duTan lɛk trap dɛn we pɔsin we de kech bɔd de sɛt;
Etrɛd de na in Gɔd in os.
9 Izrɛl dɔn rili kɔrɔpt jɔs lɛk aw di pipul dɛn na Gibia bin de trade.
I go mɛmba dɛn sin dɛn ɛn pɔnish dɛn fɔ dat.
10 “A fɛn Izrɛl jɔs lɛk greps dɛn na wildanɛs.*
A si una gret gret granpa dɛn jɔs lɛk di fɔs fig we de bia pan fig stik.
Bɔt dɛn go to Beal we de na Piɔ;Dɛn gi dɛnsɛf to dis shemful tin,*Ɛn dɛn dɔti dɛnsɛf lɛk di gɔd we dɛn lɛk.
11 Ifrem in glori de flay go lɛk bɔd;Dɛn nɔ bɔn pikin, dɛn nɔ gɛt bɛlɛ, ɛn dɛn nɔ ivin tek bɛlɛ.
12 Ilɛksɛf dɛn mɛn pikin dɛn,A go tek dɛn na dɛn an te no wan nɔ lɛf;Fɔ tru, bad tin go mit dɛn we a tɔn mi bak pan dɛn!
13 To mi, Ifrem tan lɛk fayn ples usay animal dɛn de it gras jɔs lɛk Taya;Naw Ifrem fɔ briŋ in pikin dɛn fɔ mek dɛn kil dɛn.”
14 E Jiova, gi dɛn wetin yu fɔ gi dɛn;Bɛlɛ we de west ɛn bɔbi we nɔ gɛt wata.*
15 “Na Gilgal dɛn du ɔl dɛn wikɛdnɛs, na de a et dɛn.
A go drɛb dɛn kɔmɔt na mi os bikɔs ɔf di bad tin dɛn we dɛn de du.
A nɔ go lɛk dɛn igen;Ɔl dɛn prins dɛn stɔbɔn.
16 Dɛn go dɔnawe wit Ifrem.
Dɛn rut go dray, ɛn dɛn nɔ go bia frut.
Ilɛksɛf dɛn bɔn, a go kil dɛn pikin dɛn we dɛn lɛk.”
17 Mi Gɔd go tɔn in bak pan dɛn,Bikɔs dɛn nɔ lisin to am,Ɛn dɛn go tɔn rɛfyuji dɛn na di neshɔn dɛn.
Futnot Dɛn
^ Rid Baybul Wɔd dɛn Minin.
^ Rid Baybul Wɔd dɛn Minin.
^ Ɔ “fɔ dɛn yon sol.”
^ Rid Baybul Wɔd dɛn Minin.
^ Ɔ “dis shemful gɔd.”
^ Ɔ “we flat.”
