Sam 136:1-26
136 Tɛl Jiova tɛnki bikɔs i gud;In lɔv we nɔ de chenj go de sote go.
2 Tɛl di Gɔd fɔ ɔl gɔd dɛn tɛnki,Bikɔs in lɔv we nɔ de chenj go de sote go.
3 Tɛl di Masta fɔ di masta dɛn tɛnki,Bikɔs in lɔv we nɔ de chenj go de sote go.
4 Na in nɔmɔ kin du wɔndaful tin dɛn,Bikɔs in lɔv we nɔ de chenj go de sote go.
5 I tek tɛm mek di ɛvin,Bikɔs in lɔv we nɔ de chenj go de sote go.
6 I prɛd di wɔl oba di wata,Bikɔs in lɔv we nɔ de chenj go de sote go.
7 I mek di pawaful layt dɛn,Bikɔs in lɔv we nɔ de chenj go de sote go.
8 I mek di san fɔ shayn santɛm,Bikɔs in lɔv we nɔ de chenj go de sote go.
9 I mek di mun ɛn di sta dɛn fɔ shayn na nɛt,Bikɔs in lɔv we nɔ de chenj go de sote go.
10 I kil di Ijipshian dɛn fɔs pikin dɛn,Bikɔs in lɔv we nɔ de chenj go de sote go.
11 I pul di Izrɛlayt dɛn kɔmɔt midul dɛn,Bikɔs in lɔv we nɔ de chenj go de sote go.
12 I pul dɛn kɔmɔt de wit in pawaful anƐn in an we i kin strɛch fɔ du sɔntin,
Bikɔs in lɔv we nɔ de chenj go de sote go.
13 I sheb di Rɛd Si to tu,Bikɔs in lɔv we nɔ de chenj go de sote go.
14 I mek di Izrɛlayt dɛn pas midul de,Bikɔs in lɔv we nɔ de chenj go de sote go.
15 I trowe Fɛro ɛn in sojaman dɛn na di Rɛd Si,Bikɔs in lɔv we nɔ de chenj go de sote go.
16 I lid in pipul dɛn na di wildanɛs,*Bikɔs in lɔv we nɔ de chenj go de sote go.
17 I dɔnawe wit gret kiŋ dɛn,Bikɔs in lɔv we nɔ de chenj go de sote go.
18 I kil pawaful kiŋ dɛn,Bikɔs in lɔv we nɔ de chenj go de sote go,
19 Lɛk Sayɔn, we na di kiŋ fɔ di Amɔrayt dɛn,Bikɔs in lɔv we nɔ de chenj go de sote go,
20 Ɛn Ɔg di kiŋ na Beshan,Bikɔs in lɔv we nɔ de chenj go de sote go.
21 I giwe dɛn land as prɔpati,Bikɔs in lɔv we nɔ de chenj go de sote go.
22 I gi am as prɔpati to Izrɛl we na in savant,Bikɔs in lɔv we nɔ de chenj go de sote go.
23 I mɛmba wi di tɛm we wi at pwɛl,Bikɔs in lɔv we nɔ de chenj go de sote go.
24 I kɔntinyu fɔ sev wi frɔm wi ɛnimi dɛn,Bikɔs in lɔv we nɔ de chenj go de sote go.
25 I de gi tin fɔ it to ɔltin we gɛt layf,Bikɔs in lɔv we nɔ de chenj go de sote go.
26 Tɛl di Gɔd we de na ɛvin tɛnki,Bikɔs in lɔv we nɔ de chenj go de sote go.
Futnot Dɛn
^ Rid Baybul Wɔd dɛn Minin.
