Sam 144:1-15
Devid in siŋ.
144 Lɛ Jiova, we na mi Rɔk, gɛt prez,Di wan we de tren mi an dɛnƐn mi finga dɛn fɔ go fɛt wɔ.
2 In na mi lɔv we nɔ de chenj ɛn mi aydin ples,In na mi sef ples fɔ ayd ɛn na in de sev mi,In na mi shild ɛn di Wan we a de rɔn to fɔ protɛkt mi,Di Wan we de mek a win pipul dɛn ɛn mek dɛn de ɔnda mi.
3 E Jiova, udat na mɔtalman we yu fɔ notis am,Ɛn udat na mɔtalman pikin we yu fɔ pe atɛnshɔn to?
4 Mɔtalman jɔs tan lɛk bloblo;In layf jɔs tan lɛk shado we de pas.
5 E Jiova, kam wit yu ɛvin dɔŋ ɛn kam dɔŋ;Tɔch di mawntin dɛn ɛn mek lɛ dɛn pul smok.
6 Mek lɛ laytnin flash ɛn skata yu ɛnimi dɛn;Shut yu aro dɛn ɛn mek lɛ dɛn kɔnfyuz.
7 Lɛf ɔp ɛn strɛch yu an;Sev mi frɔm bɔku bɔku wata,Ɛn frɔm fɔrina dɛn,
8 We de tɔk lay lay tɔk dɛnƐn we de es dɛn an fɔ swɛ fɔ tin we nɔto tru.
9 E Gɔd, a go siŋ wan nyu siŋ fɔ yu.
A go yuz myuzik instrumɛnt we gɛt tɛn string dɛn fɔ siŋ fɔ prez* yu,
10 Di Wan we de mek kiŋ dɛn win,*Di Wan we de sev Devid we na in savant frɔm sɔd.
11 Sev mi frɔm fɔrina dɛn we de tɔk lay lay tɔk dɛnƐn we de es dɛn an fɔ swɛ fɔ tin we nɔto tru.
12 Da tɛm de, wi bɔypikin dɛnGo tan lɛk yɔŋ plant dɛn we de gro kwik kwik wan,
Wi galpikin dɛn go tan lɛk pila dɛn we de mek di kɔna dɛn na pales fayn.
13 Wi stɔ dɛn go ful-ɔp piŋ wit ɔlkayn tin we wi avɛst;Wi animal dɛn na wi fam dɛn go bɔku te dɛn bɔku.
14 Wi kaw dɛn we gɛt bɛlɛ dɛn bɛlɛ nɔ go pwɛl;Nɔbɔdi nɔ go kray wit pwɛlat na wi pɔblik ples dɛn.
15 Di wan dɛn we dis de apin to gɛt gladi-at!
Pipul dɛn we dɛn Gɔd na Jiova, gɛt gladi-at!
