Sam 146:1-10
146 Prez Ja!*
Lɛ mi wan ol bɔdi prez Jiova.
2 A go prez Jiova ɔl mi layf.
A go siŋ fɔ prez* mi Gɔd as lɔng as a de alayv.
3 Nɔ abop pan prins dɛn*Ɔ mɔtalman we nɔ ebul fɔ sev pɔsin.
4 We i stɔp fɔ blo, i de go bak na dɔti;Da de de, ɔl wetin i de tink bɔt go dɔn.
5 Pɔsin we Jekɔp in Gɔd de ɛp, gɛt gladi-at,Di wan we abop pan Jiova we na in Gɔd, gɛt gladi-at,
6 Di Wan we mek ɛvin ɛn di wɔl,We mek di si ɛn ɔl wetin de insay de,Di Wan we fetful ɔltɛm,
7 Di Wan we de mek di pipul dɛn we dɛn dɔn kruk gɛt jɔstis,Di Wan we de gi it to di wan dɛn we angri.
Jiova de fri prizina dɛn.*
8 Jiova de mek di wan dɛn we blayn, si;Jiova de es di wan dɛn we butu;Jiova lɛk di wan dɛn we de du wetin rayt.
9 Jiova de protɛkt fɔrina dɛn;I de kia fɔ pikin we nɔ gɛt papa ɛn fɔ uman we in man dɔn day,Bɔt i de pwɛl di wikɛd wan dɛn plan.
10 Jiova go bi Kiŋ sote go,E Zayɔn, yu Gɔd go bi Kiŋ fɔ jɛnɛreshɔn to jɛnɛreshɔn.
Prez Ja!*
Futnot Dɛn
^ Ɔ “Aleluya!” “Ja” na di shɔt we fɔ kɔl Jiova in nem.
^ Ɔ “mek myuzik fɔ.”
^ Ɔ “di wan dɛn we impɔtant.”
^ Insay Ibru, “di wan dɛn we dɛn tay.”
^ Ɔ “Aleluya!” “Ja” na di shɔt we fɔ kɔl Jiova in nem.
