Sam 148:1-14
148 Prez Ja!*
Prez Jiova yu we de na ɛvin;Prez am yu we de rayt ɔp.
2 Una ɔl we na in enjɛl dɛn, una prez am.
Una ɔl we na in sojaman dɛn, una prez am.
3 Di mun ɛn di san, una prez am.
Ɔl di sta dɛn we de shayn, una prez am.
4 E di skay we de rayt ɔpƐn di wata dɛn we de pantap di skay,
Una prez am.
5 Lɛ dɛn prez Jiova in nem,Bikɔs i gi di kɔmand, ɛn i mek dɛn.
6 I mek dɛn fɔ de sote go;I dɔn gi dɛn lɔ we nɔ go ɛva pwɛl.
7 Una prez Jiova na di wɔl,Una di pawaful animal dɛn na di si ɛn ɔl di dip wata dɛn,
8 Una dɛn laytnin ɛn aysblɔk, sno ɛn tik klawd dɛn,Una dɛn big big briz we de du wetin i want,
9 Una dɛn mawntin dɛn ɛn ɔl di il dɛn,Una dɛn stik dɛn we de bia frut ɛn ɔl di sida stik dɛn,
10 Una dɛn animal dɛn we de na bushƐn ɔl di animal dɛn we dɛn de mɛn,
Una we de krip ɛn bɔd dɛn,
11 Una dɛn kiŋ dɛn na di wɔl ɛn ɔl di neshɔn dɛn,Una dɛn prins dɛn ɛn ɔl di jɔj dɛn na di wɔl,
12 Una dɛn yɔŋman ɛn yɔŋuman* dɛn,Ol pa ɛn yɔŋ wan dɛn ɔl.
13 Lɛ dɛn ɔl prez Jiova in nem,Bikɔs na in nem nɔmɔ de rayt ɔp.
In ɔnɔ de pantap di wɔl ɛn di skay.
14 I go mek in pipul dɛn gɛt mɔ trɛnk,So dat di wan dɛn we nɔ de kɔmɔt biɛn am,Izrɛl in bɔypikin dɛn, ɛn di pipul dɛn we de nia am go gɛt prez.
Prez Ja!*
Futnot Dɛn
^ Ɔ “Aleluya!” “Ja” na di shɔt we fɔ kɔl Jiova in nem.
^ Insay Ibru, “vajin.”
^ Ɔ “Aleluya!” “Ja” na di shɔt we fɔ kɔl Jiova in nem.
