Sam 31:1-24
To di wan we de dayrɛkt. Devid in siŋ.
31 E Jiova, na yu a kin rɔn to fɔ ayd.
Nɔ ɛva mek a shem.
Sev mi bikɔs yu de du wetin rayt.
2 Pe atɛnshɔn* to mi.
Duya kam kwik kwik wan fɔ sev mi.
Tan lɛk mawntin we de protɛkt miƐn lɛk sef ples fɔ sev mi.
3 Yu na mi rɔk ɛn mi aydin ples;Yu go lid mi ɛn gayd mi bikɔs ɔf yu nem.
4 Yu go fri mi frɔm di nɛt we dɛn dɔn prɛd sikrit wan fɔ mi,Bikɔs yu na mi strɔng wɔl.
5 Na yu an a lɛf mi spirit.
Yu dɔn sev mi, E Jiova, di Gɔd we de tɔk tru.*
6 A et di wan dɛn we de wɔship aydɔl dɛn we nɔ gɛt wan yus.As fɔ mi, a abop pan yu, Jiova.
7 A go gladi pasmak bikɔs ɔf yu lɔv we nɔ de chenj,Bikɔs yu dɔn si di sɔfa we a de sɔfa;Yu no we mi at rili pwɛl.
8 Yu nɔ an ova mi to mi ɛnimi dɛn,Bɔt yu mek a tinap na sef ples.
9 E Jiova, sɔri fɔ mi bikɔs mi at pwɛl.
Prɔblɛm dɛn dɔn mek mi yay ɛn mi wan ol bɔdi wik.
10 Na soso tin dɛn we de mek mi at pwɛl de apin to mi,Ɛn na soso tin dɛn we de mek a pini de mit mi.
A nɔ gɛt bɛtɛ trɛnk igen bikɔs ɔf mi mistek;Mi bon dɛn dɔn wik.
11 Ɔl mi ɛnimi dɛn et mi,Mɔ mi neba dɛn.
Di wan dɛn we a sabi de fred mi;We dɛn si mi na pɔblik, dɛn de rɔnawe pan mi.
12 Dɛn dɔn pul mi na dɛn at* ɛn fɔgɛt mi lɛk se a dɔn day;A tan lɛk kɔntri pɔt we dɔn brok.
13 A dɔn yɛri bɔku tɛm we dɛn de tɔk bad bɔt mi;Fiaful tin dɛn de apin arawnd mi.
We dɛn gɛda togɛda as wan agens mi,Dɛn de plan fɔ kil mi.
14 Bɔt a abop pan yu, E Jiova.
A de tɔk se: “Yu na mi Gɔd.”
15 Mi layf* de na yu an.
Sev mi frɔm mi ɛnimi dɛn ɛn di wan dɛn we de mek a sɔfa.
16 Gladi fɔ yu savant.
Yuz yu lɔv we nɔ de chenj fɔ sev mi.
17 E Jiova, nɔ mek a shem we a kɔl yu.
Mek di wikɛd wan shem;Mek lɛ dɛn go na di Grev,* ɛn lɛ dɛn nɔ tɔk natin.
18 Lɛ di wan dɛn we de layƐn di wan dɛn we de tɔk prawd ɛn lay lay tin dɛn
Bɔt di wan dɛn we de du wetin rayt, nɔ ebul tɔk igen.
19 Yu gudnɛs rili bɔku!
Yu dɔn kip am fɔ di wan dɛn we de fred yu,Ɛn yu dɔn sho am to ɔlman, fɔ di wan dɛn we de go to yu fɔ ayd.
20 Yu go ayd dɛn na di sikrit say usay yu de,Frɔm di plan dɛn we mɔtalman dɛn de mek;Yu go ayd dɛn usay yu de,Frɔm di wan dɛn we de tɔk bad bɔt dɛn.
21 Lɛ pipul dɛn prez Jiova,Bikɔs i dɔn sho mi lɔv we nɔ de chenj wɔndaful we,
Pan ɔl we a de na siti we dɛn dɔn sɔrawnd.
22 As fɔ mi, a panik ɛn tɔk se:
“A go day kɔmɔt bifo yu.”
Bɔt yu lisin to di kray we a bin de kray to yu fɔ ɛp.
23 Una lɛk Jiova, una ɔl we nɔ de kɔmɔt biɛn am!
Jiova de protɛkt di wan we fetful,Bɔt i go pɔnish ɛnibɔdi we de mek prawd.
24 Una ɔl we de wet fɔ Jiova,Una gɛt maynd ɛn tinap tranga wan.
Futnot Dɛn
^ Ɔ “Butu ɛn lisin.”
^ Ɔ “di Gɔd we fetful.”
^ Ɔ “maynd.”
^ Insay Ibru, “Mi tɛm.”
^ Ɔ “Shiol.” Dis tinap fɔ di ples usay dayman dɛn de. Dis nɔto tru tru ples. Rid Baybul Wɔd dɛn Minin.
