Sam 40:1-17
To di wan we de dayrɛkt. Devid in siŋ.
40 A abop pan* Jiova wit ɔl mi at,Ɛn i de pe atɛnshɔn to mi* ɛn yɛri mi we a de kray fɔ ɛp.
2 I pul mi kɔmɔt na ol we gɛt bɔku bɔku wata,I pul mi kɔmɔt na ples we slipul.
I mek a tinap pantap rɔk,Ɛn i mek a tinap sef wan.
3 Na de i lan mi wan nyu siŋ,Prez wi Gɔd.
Bɔku pipul dɛn go de kɔle,Ɛn dɛn go abop pan Jiova.
4 Pɔsin we abop pan JiovaƐn we nɔ de luk to di wan dɛn we nɔ de obe
Ɛn di wan dɛn we de lay, gɛt gladi-at.
5 E Jiova, mi Gɔd,Yu wɔndaful wok dɛn, di tin dɛn we yu de tink bɔt wi,Ɛn di tin dɛn we yu dɔn du rili bɔku.
A nɔ go kɔmpia ɛnibɔdi to yu.If a fɔ tray fɔ tɔk bɔt dɛn ɔl,Dɛn go tu bɔku fɔ tɔk bɔt!
6 Yu nɔ bin want sakrifays ɛn ɔfrin dɛn,Bɔt yu opin mi yes fɔ lisin.
Yu nɔ aks mi fɔ bɔn ɔfrin ɛn sin ɔfrin dɛn.
7 Dɔn a se: “Luk, a dɔn kam.
Dɛn rayt bɔt mi na di skrol.
8 E mi Gɔd, a de gladi fɔ du wetin yu want,Ɛn yu lɔ de rayt insay mi at.
9 E Jiova, yusɛf sɛf no se
A de tɔk bɔt di gud nyuz bɔt wetin rayt usay bɔku pipul dɛn de.Luk! A nɔ sɛt mi mɔt.
10 A nɔ de ayd di we aw yu de du wetin rayt na mi at.
A de tɔk bɔt di we aw yu fetful ɛn di we aw yu de sev.
A de tɔk bɔt yu lɔv we nɔ de chenj ɛn wetin tru usay bɔku bɔku pipul dɛn de.”
11 E Jiova, kɔntinyu fɔ de sɔri fɔ mi.
Lɛ yu lɔv we nɔ de chenj ɛn wetin tru, kɔntinyu fɔ de protɛkt mi.
12 Di trɔbul dɛn we de rawnd mi so bɔku dat a nɔ ebul fɔ kɔnt dɛn.
Mi mistek dɛn so bɔku dat a nɔ ebul fɔ si mi we klia wan;Dɛn bɔku pas di ia na mi ed,Ɛn a de fred.
13 E Jiova, duya, rɛdi fɔ sev mi.
E Jiova, nɔ westɛm fɔ ɛp.
14 Lɛ ɔl di wan dɛn we want fɔ kil miShem ɛn disgres.
Lɛ di wan dɛn we de gladi bikɔs a gɛt trɔbulGo bak wit disgres.
15 Lɛ di wan dɛn we de provok mi
Shɔk bikɔs dɛn shem.
16 Bɔt lɛ di wan dɛn we de luk fɔ yu gladi,Lɛ dɛn rili gladi bikɔs ɔf yu.
Lɛ di wan dɛn we lɛk di tin dɛn we yu de du fɔ sev pipul dɛn tɔk ɔltɛm se:
“Lɛ Jiova gɛt di prez.”
17 Bɔt a po, ɛn a nɔ gɛt pɔsin fɔ ɛp mi;Duya Jiova, pe atɛnshɔn to mi.
Na yu de ɛp mi ɛn na yu de sev mi;Duya mi Gɔd, nɔ dile.
