Sam 46:1-11
To di wan we de dayrɛkt. Korah in bɔypikin dɛn siŋ. Wan siŋ we dɛn ple akɔdin to Alamɔt stayl.*
46 Gɔd na wi sef ples, ɛn na in de gi wi trɛnk,I rɛdi ɔltɛm fɔ ɛp wi di tɛm we prɔblɛm de.
2 Na dat mek wi nɔ go fred, pan ɔl we di wɔl de chenj,Pan ɔl we di mawntin dɛn de fɔdɔm rayt dɔŋ di si,
3 Pan ɔl we di wata de mek lawd nɔys, ɛn i gɛt big big swɛlin.Pan ɔl we di mawntin dɛn de shek bikɔs di si rɔf. (Sila)
4 Wan riva de we in wata de mek di pipul dɛn we de na Gɔd in siti gladi,Dat na, di Wan We De Pantap Ɔlman in wɔndaful ɛn oli tabanakul.
5 Gɔd de na di siti; dɛn nɔ go ebul ovatro am.
Gɔd go ɛp di pipul dɛn we de na di siti we doklin.
6 Di neshɔn dɛn bin de pan ala-ala, dɛn ovatro di kiŋdɔm dɛn;I es in vɔys ɛn di wɔl mɛlt.
7 Jiova we gɛt bɔku bɔku sojaman dɛn de wit wi;Jekɔp in Gɔd na wi sef ples fɔ ayd. (Sila)
8 Kam si di tin dɛn we Jiova dɔn du,Aw i dɔn du wɔndaful tin dɛn na di wɔl.
9 I go mek wɔ dɔn ɔlsay na di wɔl.
I go brok brok di bo dɛn ɛn pwɛl pwɛl di spia dɛn;I go bɔn di wɔ chariɔt* dɛn wit faya.
10 “Sɔrɛnda ɛn no se mi na Gɔd.
Ɔlman na di neshɔn dɛn go ɔnɔ mi;Ɔlman na di wɔl go ɔnɔ mi.”
11 Jiova we gɛt bɔku bɔku sojaman dɛn de wit wi;Jekɔp in Gɔd na wi sef ples fɔ ayd. (Sila)
