Sam 51:1-19
To di wan we de dayrɛkt. Di siŋ we Devid siŋ we Prɔfɛt Netan bin go to am afta i bin du mami ɛn dadi biznɛs wit Bat-shiba.
51 E Gɔd, sɔri fɔ mi, bikɔs yu lɔv nɔ de chenj.
Wep mi sin dɛn kɔmɔt bikɔs yu rili gɛt sɔri-at.
2 Was mi mistek dɛn kɔmɔt pan mi fayn fayn wan,Ɛn was mi sin dɛn kɔmɔt pan mi.
3 Bikɔs a rili no di sin dɛn we a dɔn kɔmit,Ɛn mi sin de bifo mi* ɔltɛm.
4 Na yu na di men pɔsin we a dɔn sin agens;A dɔn du wetin bad na yu yay.
So we yu tɔk, yu gɛt raytƐn yu de jɔj di rayt we.
5 Dɛn bɔn mi wit sin,Ɛn frɔm we mi mama gɛt mi bɛlɛ, mi na sina.
6 Yu lɛk we pɔsin gɛt tru na in at;Tich mi mek a gɛt tru tru sɛns.
7 Yuz isɔp plant fɔ was mi sin dɛn kɔmɔt pan mi, so dat a go klin;Was mi, so dat a go wayt pas sno.
8 Mek lɛ a gladi bak,So dat di bon dɛn we yu dɔn nyamanyama go gladi.
9 Nɔ pe atɛnshɔn to mi sin dɛn,Ɛn wep ɔl mi mistek dɛn.
10 E Gɔd, gi mi at we klin,Ɛn chenj di we aw a de tink so dat a go tinap tranga wan.
11 Nɔ pul mi kɔmɔt bifo yu;Ɛn nɔ pul yu oli spirit pan mi.
12 Mek lɛ a gɛt bak di gladi-at we a kin gɛt we yu sev mi;Mek a want fɔ obe yu.
13 A go tich sina dɛn bɔt wetin yu want,So dat dɛn go kam bak to yu.
14 E Gɔd, di Gɔd we de sev mi, nɔ mek lɛ blɔd de na mi ed,So dat a go gladi fɔ tɔk se yu de du wetin rayt.
15 E Jiova, ɛp mi fɔ tɔk,So dat a go prez yu.
16 Nɔto sakrifays yu want, bikɔs if na dat yu bin want, a fɔ gi yu;Ɛn yu nɔ de gladi fɔ wan ol bɔn ɔfrin.
17 We pɔsin rigrɛt wetin i du, Gɔd de tek in sakrifays;E Gɔd, yu nɔ go lɛf pɔsin we in at rili pwɛl ɛn we de fil bad.
18 Bikɔs ɔf yu gudnɛs, du wetin gud fɔ Zayɔn;Bil bak di wɔl dɛn na Jerusɛlɛm.
19 Dɔn yu go gladi fɔ di sakrifays dɛnWe di wan dɛn we de du wetin rayt de mek,Di bɔn sakrifays dɛn ɛn di wan ol ɔfrin dɛn;
Dɔn dɛn go sakrifays man kaw dɛn na yu ɔlta.
Futnot Dɛn
^ Ɔ “a de tink bɔt mi sin.”
